人生何處不 laughing

睇到呢個標題係咪一頭霧水 , 其實係一本書既書名 , 係我無聊行開圖書館看到的 , 書中有三篇文章係講梅媽同梅兄係呢幾年為咗梅姐既遺產苦心 , 三篇文章如下 :

" 今年六月沒飛霜 "

" 蛀米的蟲兒會餓死 "

" 十二萬 如虛幻 "

他們咁努力真係真係 ..... 佩服 !!

曾經有朋友講如果人活係夢境真係唔好比佢醒 , 夢醒了會好痛苦 , 我們就讓他們好好活在自己夢中好了 !!

許志安 on and on 25週年演唱會 DVD

許志安 on and on 25週年演唱會 中有唱兩首Anita既歌 , 第一首係 " 將冰山劈開" , 第二首係 " 似水流年 " .

華星四十

唔知幾時 " 華星四十" 先至推出梅姐復刻唱片呀 !!! 等到頸都長啦 !!!

" 君子 " 雜誌

今期十月份 "君子雜誌" 有一頁關於之前拍賣會既文章 , 文章標題 " 像那已逝的美麗 " , 其實呢篇文章係講返梅姐係 03年演唱會所戴的一串珍珠鑽石項鍊 !

如果大家要買的話就要快手 , 因為已經係十月尾 !!

99生日會 - 歌迷唱生日歌

一如以往我哋歌迷都會唱生日歌俾 anita 聽既 , 不過呢年比較特別 , 唔知大家仲記唔記得 ?

係呢條片大家可以找到答案 !!

今天就是十月十日所以揀選這條片等大家一同唱生日歌給 anita 聽 !!

祝梅姐 : 生日快樂 !!

Happy Birthday to Anita

1999 生日會入場卷

呢張就係當年 "1999生日會入場卷 " , 除咗有梅姐張相還時間/日期/地點 .

1999 梅姐生日會 之 女人煩

九九年生日會就找到hocc做梅姐嘉賓 , 仲第一次唱 "女人煩"亦都係唯一一次合唱 .

1999 梅姐生日會 之 十條問題

一如以往都會有呢個環節 "十條問題" , 每一次既問題有啲都幾攪笑以梅姐答得令大家都好開心 , 都算有問必答 .

1999 梅姐生日會

很久很久沒有更新 , 記得上年放了九八年既生日會 , 今年就放九九年生日會片段 , 回想起九九年都算是好開心的一年 , 因為梅姐開了兩次演唱會又推出兩張國粵語唱片啦 , 仲有仲有一年一度各梅迷都好期待既梅姐生日會 , 須然地方細細沒有得坐但都冇影響我哋心情反而仲熱熱鬧鬧但就時間方面短咗些少 , 好 !!! 講咗咁多先 .

今次先放梅姐唱 "抱緊眼前人"片段 先 !!

梅艷芳珠寶手錶珍藏”專場拍賣會

10月5日，香港蘇富比拍賣行將在香港會展中心2011年秋季拍賣會期間舉辦“芳華絕代——梅艷芳珠寶手錶珍藏”專場拍賣會，呈獻梅艷芳於2003年“梅艷芳經典金曲演唱會”上佩戴的珍珠鑲鑽項鏈及耳墜套裝等43件私人珠寶及手錶珍藏，拍品總估價超過260萬港元。

2011大快活扒On Fire鐵板餐電視廣告(林欣彤)

呢個廣告用咗梅姐既"冰山大火"係林欣彤唱 !!

香港先生

剛剛睇完香港先生 , 賽果就冇乜野想講 , 但睇到台下一班美女評審 , 忽然期想如果梅姐係到你估吓梅姐會係同DODO姐一齊做主持定係做 VIP評審呢 ?

天神村之怪花

梅豔芳 - 將Poker Face劈開(Feat. Lady Gaga)

香港中古廣告: 積及club夾心朱古力(江欣燕扮梅艷芳)1988

呢過真係好有印象又搞笑 !

香港中古廣告: 維他菊花茶(江欣燕扮梅艷芳vocal)1989

唔係係youtube睇到都唔記得當年睇過 , 江欣燕真係唱得好似 !!

梅艷芳 - 艷舞台 (絕靚版)

親情

為何親情要用金錢來衡量 , 愛一個人會用盡方法去保護去愛護佢 , 今天聽大迷講"忽週"有一篇梅媽訪問話要出兩本書關於 anita , 一本係寫梅姐愛情另一本就係關於梅姐既醜聞 , 哈.....真係好可笑!! 口口聲聲話anita朋友點樣點樣點衰 , 八年喇還要將梅姐不為人知的事情講出嚟 , 為什麼親情會是這樣 , 如果有個小朋友俾車撞佢呀媽會不顧一切保護去救佢自己小朋友 , 原來不是每一位都有愛有親情 !!

Modern Beauty 廣告 (三)

分享完成.

大迷上

11-06-2011

Modern Beauty 廣告 (二)

仲未完㗎...

大迷上

11-06-2011

Modern Beauty 廣告 (一)

阿梅最後拍嘅一個廣告0係報章內曾出過多款唔同造型, 在此同大家分享一下.

大迷上

11-06-2011

翻版梅艷芳

有日行開書店無意中比我見到有本書內頁有張李惠敏扮梅姐嘅圖片, 件衫雖然好似簡單咗啲,但姿勢同表情都扮得幾似㗎.

大迷上

11-06-2011

華星雷射第一輯

呢張係華星第一張推出嘅精選唱碟, 照我所知只係推出過 CD 版未曾有黑膠版嘅. 此碟亦屬於較為罕有嘅收藏品, 就算出得起錢都未必咁易搵到.

大迷上
11-06-2011

回憶的貼紙

仲記得呢啲貼紙係細個時0係士多玩抽獎 (好似係$5一次) 嘅其中一款獎品, 唔知大家有冇玩過呢?

大迷上

11-06-2011

許志安 ON AND ON 廿五周年演唱會 - 似水流年

八年了 .... 他將我們的回憶再次帶回來 , 他唱著"似水流年" , 他把"似水流年"帶回紅館彷彿把我們與梅姐既時光也帶回來 !!

多謝你 : 安仔

續 : 譚詠麟友好演唱會

其實梅姐唱 " 淑女 " 就真係唱得好多不過就好少有片可以回味 , 所以係呢個 "友好演唱會"中播梅姐唱"淑女"就真係難得仲要係足本播放非常之"正" !!

譚詠麟友好音樂會

好喜歡呢做 SHOW " 譚詠麟友好演唱會 " 入面 ANITA , 因為整個造型又靚又型長長頭髮閃到爆既珠片衫再加上係舞台上勁歌熱舞 , 今次先播同阿倫跳舞一段 !!

續 : 陽光 笑容 鐘鎮濤

究竟之後會係點 ............ 結局會唔會出人意表 ............ 大家睇吓就知喇 !!

三個人演出都好自如誇張得嚟唔算太過火 , 題材都幾太膽講 "一夜情"同時係齣劇中就會發現當時個社會係八十年代中有啲轉變 : 女強人 / 小男人 / 係男定係女或者係喜歡男人定女人 / 開始變得越來越太膽去講去表達 !!

陽光 笑容 鐘鎮濤

"陽光 笑容 鐘鎮濤 " 係鐘鎮濤既音樂特輯 , 請咗梅艷芳做嘉賓係特輯中同阿B /洪金寶一齊做咗一個趣劇 " 三角錯愛 " , 趣劇中梅姐係一個有家庭有事業女強人 , 因同洪金寶發生咗一夜情而發生一連串笑話 .

介紹咗兩個咁精彩既片段係咪冇乜為意 !! 另外係開始播放開頭都用上咗 "menu" 個段片 , 不過就有啲唔同長少少還睇到 anita 唱 "床呀 !! 床"時穿著 oversize 綠色籃球衫吹著口哨添 .

三段片確實好精彩好拉緊你每一吋神經 , 不過 , 最值得"讚"亦都係最要"彈"既地方 , 剪接個位人兄理應記一功短短一分鐘剪得目不暇給 , 但好衰唔衰整個演唱會都用咗咁上下剪接 , 兩三秒訧轉角度要定一定睇晒整個極夢幻演唱會幻實左不易 .

明白佢哋用心製作想同樣令人嘆為觀止帶出視覺上的大震撼 , 卻偏偏造出反效果 , 不是嘆為觀止而係眼花撩亂 , 睇完好似看了 "死亡習作 " 一樣 "暈陀陀" !!

極夢幻演唱會 dvd menu

極夢幻告預片之外 , 其實係 "極夢幻演唱會"DVD內同樣都有兩條好精彩片段 , 第一條就係

在選擇播放功能 MENU裡可找到 , 今次剪得仲快仲扣人心弦 .

夏日樂消遙 之 三色梅艷芳5

梅姐扮空姐

歌之女

二十年風風雨雨完來可以係一個眼神清楚睇得到 , 百般滋味在心頭 高低起跌 心情複雜完完全全可以表露無遺 , 想起小鳳姐既 " 順流逆流 " 其中幾句歌詞 .

幾多艱苦當天我默默接受
幾多辛酸也未放手
故意挑剔今天我不在乎
只跟心中意願去走 ......

史上最精彩的演唱會預告片

只要大家睇過呢個 "極夢幻演唱會" 預告片都會同意用 "史上最精彩" 嚟形容這段片 , 佢將一個三小時演唱會濃縮為一分鐘既片段 , 片中利用高速剪接效果再配上 "芳華絕代" remix 做背影音樂來帶令我們既眼睛進入梅艷芳夢幻旅程 , 展現攝人魅力......... 高貴 冷艷 性感 慾望 ...深信任何人只要看到此宣傳片都會不其然眼都唔眨,恐怕一眨眼就會錯失咗一些精彩鏡頭一樣 .

此預告片暫時係電影 " 我左眼見到鬼 " DVD / VCD 才看到 , 不過而家係呢個blog都有得睇啦 !!

大迷 & 細迷

夏日樂消遙 之 三色梅艷芳 5

莫逃避

夏日樂消遙 之 三色梅艷芳 4

不信愛有罪

夏日樂消遙 之 三色梅艷芳 3

係呢段片之前應該係仲有一段但係放唔到上嚟 , 先放上另一段先 .

寂寞的心

一本書

今天下午係屋企附近一間賣舊書既舖頭到睇到一本 " 香港專業攝影師公會影像二零零二 " 便拿上手睇睇發覺有好多明星照片 , 好緊張地再細心看真的有 anita 一張相 , 從照片中梅姐穿著的服裝好似係拍 "不插電 " MV所著的那套服裝 , 唔知有冇猜錯 .

夏日樂消遙 之 三色梅艷芳

冇記錯呢個 " 三色梅艷芳 " 係 anita第一個個人音樂節目特輯 , 由三個唔同年齡梅艷芳講愛情都幾新鮮同攪笑整個特輯都比好多角色給 anita 去演繹 .

梅姐的素描單行簿

睇完大迷當年佢自己素描的作品 , 真係"娃"一聲 , 不過都好開心佢很同我哋分享 , 我就唔識素描不過就找到本單行簿係梅姐的素描畫 , 入面每一頁既的右下角都有梅姐個樣 .

梅姐的素描

唔知大家認唔認到以上四張素描係邊個呢? 呢啲都係小弟0係中學時畫的其中幾張作品, 希望冇嚇親各位啦, 哈哈.

註: 以上作品係從來冇發表過的, 係呢幾日在家中搵嘢好偶然咁發現本畫簿, 呢啲畫先可以重見天日.

大迷上

28-04-2011

許志安電視特輯

嚟緊星期日 五月一日晚上 十時 無線翡翠台 有一個特輯係 "許志安一直相愛25週年"節目 , 係廣告片段中有提許志安同梅姐點滴 , 大家有時間記得睇 .

LE SALON 優惠卷

憑此贈卷可獲一次洗 , 剪 , 吹 髪服務 .

有效日期至 一九九五年五月三十日

( 大迷提供此卷 )

姐姐梅愛芳

今天係梅愛芳走的一天,數數手指都十一年了,還記得當年剛巧anita推出"I am so happy"唱片,因為這樣把唱片推遲一個月,好樣心情平伏才宣傳唱片.

心債 兩個不同演奏版

終於可以放上嚟俾大家聽吓 , 聽吓一個鋼琴演繹的版本同另一個係現場管弦樂演繹的版本 , 睇吓會喜歡邊一個版本 .

香港管弦樂團 西崎崇子 小提琴 影視名曲選

之前既"十年經典鋼琴精選" 同 這張 "影視名曲選 " 都係係鴨寮街到找到 , 呢隻仲要係冇盒冇封面淨CD , 就係因為入面有 "心債 " 一曲所以都買嚟聽吓 , 今次呢隻係由香港管弦樂團同西崎崇子合作以影視歌曲來演奏 , 所以聽起來會有好多不同樂器來演奏同其他純鋼琴比較有一種好澎湃感覺 .

暫時未能將兩首 "心債 " 放上嚟俾大家聽 , 希望攪點部電腦再給大家聽 !!

十年經典鋼琴精選

呢隻碟係有Albert Au 歐瑞強 制作係九零年推出既一隻鋼琴精選碟 , 以八十至九零年內中文歌曲龍虎榜榜首歌曲再簡選十六歌曲以純鋼琴方式演奏 , 當然梅姐也有一首 , 其實仲有一首的不過就打咗陳慧嫻既 " 千千闕歌 " 以不是 " 夕陽之歌 " .

80 , 相識非偶然 / 81 , 印象 / 81 , 這是愛 82 , 彩雲曲 / 82 , 心債 / 83 , 倦 83 , 偏偏喜歡你 / 84 , 幻影 / 84 , 零時十分 85 , 聽不到的說話 / 86 , 陪著你走 / 86 , 最愛是誰 87 , 午夜情 / 88 , 祝福 / 89 , 千千闕歌 / 90 , 你知道我在等你嗎 ?

遲吓放這首"心債 " 純鋼琴版俾大家聽吓 !!

趙增熹分子音樂會 陳潔靈 孤身走我路

趙增熹分子音樂會 陳潔靈 孤身走我路

呢個演唱會我哋冇睇到,所以講唔到呢個音樂會實況,係另一個部落格無意中看到網主看完觀後感,大家可以入去看看整個show評價,今日同大迷食晏仲同佢講開唔知有冇人係youtub上載呢個show,今晚試吓又真係有人上載喎!!大家又可以睇睇啦! 冇諗過係"趙增熹分子音樂會"會有梅姐既歌仲要係由一位同是八十年代既實力派女歌手陳潔靈小姐唱出,當然唱功不用講,但睇完條片我覺得感染力有功架都有但少了一份表情同滄桑感,其實每一次有其他歌手唱出梅姐既歌我都會好激動亦好開心,因為好難再係紅館或者其他場地聽到熟悉旋律,所以會好好欣賞!! 絕對享受的趙增熹分子音樂盛宴 ( 由另一位網主所寫 )

Vivian25週年演唱會

又一個80年代歌手舉行25週年紀念演唱會,今下次嘅主角就係玉女長門人周慧敏啦. (回想當年我都有儲埋一大堆慧敏嘅閃卡呢, 哈哈......)
演唱會嘅opening未有強烈震撼嘅感覺, 之後一個接一個嘉賓出現去頌讚Vivian....實在太悶場,如細迷所講演唱會開始已大半小時, 只係唱過約五首自己嘅歌,未免有啲過份, 但該部份完結後竟然有一啲驚喜出現.....
入場前絕冇太大期望 Vivian 會有任何勁歌熱舞, 但當第二部份強勁節奏一起驚喜就出現啦, 點解啲節奏咁熟, 嘩! 原來玉女要變壞女孩啦,一句 Why Why Tell Me Why... 出奇地 Vivian 唱出另一種風格,多咗幾分女性美 絕冇格格不入嘅感覺, 值得一讚. 之後緊接嘅有跳舞街, 對你愛不完等亦出奇地好聽, 最後再唱出經典金曲'自作多情'作完結,好有80年代感覺, 我好享受,不過較年輕嘅歌迷可能未必投入到.
開心一陣後Vivian開始唱出自己嘅金曲, 好聽但總係投入唔到, 但一到嘉賓 Sammi 出埸後, 全晚高潮就出演. 合唱一曲後真係高下立見, Vivian 控制氣氛嘅能力遠比 Sammi 遜色, Sammi 更有喧賓奪主之勢. 相信如冇意外繼梅姐之後, Sammi 肯定係一位能自己壓台嘅明星.
最後一位嘉賓Sammi走後我彷彿成個人清醒咗一樣, 睇演唱會嘅心情氣氛全部返哂哩. Vivian 再唱出自己一堆金曲如 '如果你知我苦衷' 等等... 忽然古巨基又走出場話要介紹一位超重量級嘉賓出場, 嘩! 原來係細迷等咗成晚, 我又好期待嘅日本歌手柏原芳惠小姐. 佢自己唱出'最愛'一曲, 雖然我唔識日文, 而且今次亦係我咁大個仔以來0係紅館第一次睇日本歌手嘅現場表演, 所以我睇到幾感動.
最後安歌咗二次, 全場人才正式離開. 雖然開段悶場較多, 但一首'壞女孩', 再加上 Sammi 嘅出現, 再有柏原芳惠嘅靚歌靚聲, 再加上尾段 Vivian 唱出嘅經典金曲, 整體都算合格, 但冇太大驚喜, 唔知哩緊張會係邊位80年代嘅歌手再有 XX 週年演唱會呢?

大迷上
24-03-2011

梅姐終於有blue-ray dvd

標題係咪好吸引呢 ? 係大迷食lunch蛇王走去一間大型唱片連鎖店時發現既 , 呢隻blue-ray碟係anita有份主演的電影 "鐘無艷" 出的 , 就大迷所講梅姐所主演的電影從未推出過藍光碟 , 所以呢隻 "鐘無艷 "係梅姐第一張blue-ray碟喇!! 有收集梅姐不同版本的朋友不妨留意吓 !!哈哈

唔知另一位blog主會唔會買呢 ?? (台灣手信0固位fans) hihi

鄭國江40週年演唱會

係係係呀!!今朝又係半夢半醒之間聽到電台節目"有誰共鳴",今日嘉賓係填詞人鄭國江老師,鄭老師講起當年好多外語電影主題曲會好多本地歌手改編,《夢中情人》一曲是改篇自著名電影《杜絲先生》(Tootise) 的電影主題曲,主唱係李龍基填呢首歌既人就是鄭老師,幾年之後因為梅艷芳憑"胭脂扣"得到"最佳女主角"而唱片公司就想梅姐下一張唱片以電影主題目做唱片慨念,就是這樣唱片公司找鄭老師代填幾首歌歌詞,鄭國江老師見到有首歌曾經填過給另一首歌手而主動講比唱片公司,但係唱片公司同鄭老師講之前這歌是填比男歌手唱今次係填比女歌手唱,所以鄭老師又再次填這首歌,而呢首歌就係"愛你,想你"

今晚睇咗周慧敏演唱會

老實講睇V演唱會係因為想支持栢原芳蕙,支持係因為日本地震事件,V演唱會亦都有一定吸引力今次既賣點係入行25週年,但今次演唱會的編排就真係嫲嫲地,係頭一個半小時裡頭V只唱了自己五首歌其餘時間就是嘉賓合唱同講野,講野時間太長沈悶,唯一係頭個半鐘給醒醒就係唱了半首"壞女孩",聽到音樂就覺得好熟原來真係"壞女孩"哈哈哈!!而第一個高潮就係唔知第幾位嘉賓"鄭秀文",佢一出全場都好好氣氛變得好熱鬧!!勁呀!!就發現V條頸唔識得向上望,我哋坐係差不多山頂都唔等唔到V望上黎又係好後才望一望!!原來今晚其實係冇栢原芳蕙的,但因為制作單位想俾V一個驚喜,所以係"安歌"部份再次出場,呢次係第二次高潮位,第三次就係最後個PART V自己唱經典歌曲!!
不過都開心又有一位歌手開佢25週年演唱會.

祝福日本

要為日本打打氣!!只要齊心一定冇難事!!
之前係電視睇到報到,發生地震地區有一家賣麵店舖還繼續營業免費給災民,希望災民可以得到一點暖意.人間有情....希望核危機可以得到控制!!

我們的胡士托 c all star

之前都係到提過這首歌,唔知大家有有聽過,一首非常有意思好聽的歌,未聽過就係呢到聽吓!!

星閃閃

今天係電台又聽一首歌係歌頌梅艷芳的,電台主持起初只說了歌手名字再說歌名,當然係冇乜為以,但聽落又好似係關於梅姐才留心聽落去, 呢首歌既歌名叫 "星閃閃"由一位新晉女歌手所主唱.
聽完好想知到填呢首歌的人是誰/點解會填呢個題目/想帶出什樣信息同當時寫這首歌既心情,都是我比較想知的事情 , 而唱歌的歌手 李悅君 ,之前也有一首派台歌都是翻唱梅姐的 "夢伴".

暫時唔講我的感想 , 大家聽完再係呢到討論一下 , 係youtube找歌呢首歌仲有歌詞 !!



星閃閃 - 李悅君
作曲：宋陽
填詞：周耀輝
編曲：彭飛
監製：Gary Chan / Erika Lee


多得你　華麗的人　眼神閃爍至今
然後令我在荒誕現實 每日競爭　亦有一顆芳心

祝福我　來日亦像你　成就一種聲音
那些蚯蚓　為你經過　懷疑越愛越勇敢
那些長裙　被你穿過　仍舊燙金
是你光榮地行盡了半生 顛倒了眾生
像是提示女生　還沒好表演不准熄燈

我記得夢中你再生 明白我能為我而活即使犧牲
然後夢想會變真 期待有時候會覺得不枉此生
然後夢中你轉身 明白我能為我而學敞開胸襟
時代極暗　若星閃閃都知你在唱歌
讓我將星光披上身

祝福我　來日亦像你　成就一種聲音
那些夕陽　為你低過　懷疑越遠越覺親
那些心債　被你翻過　懷念更深
是你光榮地行盡了半生 顛倒了眾生
像是提示女生　餘下encore曲亦盡力哼

我記得夢中你再生 明白我能為我而活即使犧牲
然後夢想會變真 期待有時候會覺得不枉此生
然後夢中你轉身 明白我能為你而學敞開胸襟
時代極暗　若星閃閃想跟你在唱歌 願我不必哭泣

我記得夢中你再生 明白我能為我而活即使犧牲
明白願望是天真 hey~ baby~ 懷念你　感覺越想
若星閃閃如像你在唱歌　願我不必哭泣

地球大合唱

可能大家都很少聽呢首"地球大合唱",點解有呢首歌係因為無線成立二十週年而制作的歌曲,由全港歌手一齊灌錄既慈善籌款歌曲,收錄於"香港心連心"大碟到,唱片版大家都聽過,現場版呢? 我就係一個頒獎禮到找到呢個現場版將轉咗mp3,大家聽聽!!


地球大合唱 : 作曲：顧嘉輝 作詞：林振強編曲：顧嘉輝主唱：群星

徐小鳳：人心關起會細小如塵　不可以載起旁人　麻木閉塞一生

關正傑：人海內有億萬人　其實都可拉近　如人類不自困

梅豔芳：人心張開會有光無窮　張開有暖火熊熊　紅日那般高溫

羅文：如可讓每顆心聯盟　無論遇多少的厄困　也可沖出迷陣

葉麗儀：齊心喚醒心中那火太陽　去將四海黑暗變明亮

張學友、鄺美雲：齊心用愛做豔陽投射去　使苦痛之軀再獲能量

葉麗儀、許冠傑：如肯喚醒心中那火太陽　

許冠傑：世間有天總會更明亮

呂方、林憶蓮：如肯爲建造未來齊奉獻　始終有一天　這地球會合唱

譚詠麟：人心關起會細小如塵　不可以載起旁人　麻木閉塞一生

陳潔靈：人海內有億萬人　其實都可拉近　如人類不自困

葉倩文、林子祥：人心張開會有光無窮　張開有暖火熊熊　紅日那般高溫

張國榮：如可讓每顆心聯盟　無論遇多少的厄困　也可沖出迷陣

鍾鎮濤：齊心喚醒心中那火太陽　去將四海黑暗變明亮

陳百強：齊心用愛做豔陽投射去　使苦痛之軀再獲能量

葉倩文、林子祥：如肯喚醒心中那火太陽　

林子祥：世間有天總會更明亮

甄妮：如肯爲建造未來齊奉獻　始終有一天　這地球會合唱

合唱：若你我他　喚醒心中那火太陽　世間有天會更明亮

攜手爲建造未來齊奉獻　始終有一天　這地球會合唱

女合：齊心喚醒心中那火太陽　去將四海黑暗變明亮

男合：齊心用愛做豔陽投射去　使苦痛之軀再獲能量

合唱：攜手喚醒心中那火太陽　世間有天總會更明亮

攜手爲建造未來齊奉獻　始終有一天　這地球會合唱

*齊心喚醒心中那火太陽　愛可過山越洋除邊疆

攜手爲建造未來齊奉獻　始終有一天　這地球會合唱

REPEAT*

日本版 "胭脂扣" 錄影帶

日本版 "胭脂扣" 錄影帶

日本版 "胭脂扣" 錄影帶 ( 背面 )

講開又講呀!! 係日本bid野真係好貴 , 貴就貴在樣樣都要手續費 , 原本呢盒錄影帶只不過係港幣十元到 , 首先係香港係bid唔到日本拍賣品要找香港店舖代bid , 之後要轉賬入賣方的戶口 , 銀行方面要收手續費 , 寄回香港郵費 , 之後到在香港店舖佢哋係會以重量同金額一同計算 , 所以呢盒帶計起上黎差不多要二佰元 , 真係好貴呀 !!

日本版 "胭脂扣" 錄影帶

呢盒日本版 "胭脂扣"係日本YAHOO拍賣網到下標得來 , 可能係哥哥係日本有一定知明度所以封面都係用哥哥既大頭相做封面只係盒下方才有梅姐張相 , 但整體感覺非常好同靚 .