清純,可愛嘅阿梅

再多三張可愛嘅阿梅相片, 相中梅姐流露住天真嘅笑容, 就好似鄰家小女孩咁.

大迷

31-01-2010

慾望野獸街

好開心今晚同細迷首次去到灣仔華星茶餐廳, 雖然店舖內只有一張阿梅嘅'烈焰紅唇'黑膠碟掛在牆上, 但其店內裝修都幾懷舊同舒適, 但店內食物嘅選擇就較少, 就好似佐敦澳洲牛奶公司賣嘅款式差不多, 價錢亦算便宜合理, 大家不妨一試.

另外今晚同細迷傾開計佢話覺得相中封面嘅阿梅好型好靚, 佢又好想知道該期報導內仲有冇其他靚相, 好啦見係你問一返屋企就立即搵比你睇吓啦, 希望滿足到你啦.

大迷

31-01-2010

生果女郎

嘩, 如果阿梅真係開生果店嘅話, 我相信生意一定爆棚, 起碼我會日日走去買生果食, 哈哈哈.

大迷

31-01-2010

80 年代流行樂壇

睇到現今樂壇一片死寂, 歌手們嘅質素參差, 部份歌手表演嘅不專業, 回想以往一年一度年尾各大傳播機構派成績表時, 定必盡快趕返屋企霸頭位睇. 但睇過今年嘅 Show, 完全係一場鬧劇, 毫無公信力可言.見到以上嘅相片真係好懷念相中嘅歌手, 香港樂壇幾時先可以做到以往嘅水準呢?

大迷

31-01-2010

一輯好開心同徒弟仔嘅沙灘相

0係呢輯相可以見到一個素顏嘅阿梅同草蜢仔, 好夏天渡假感覺.

大迷

31-01-2010

首張大碟'心債'報章廣告

心血來潮搵番一張好耐之前嘅唱片廣告, 好簡單又直接咁介紹該張唱片,絕冇任何花巧.

大迷
31-01-2010

歌衫

昨天(27號)東方日報裡面有一則選文 , 提及現今樂壇頒獎禮歌手出席時打扮 , 寫這篇文章係一位時裝設計師 . 陳刀 , 睇完這篇文章絕對應同佢的講法 .

華星冰室 Capital Café

由華星舊同事開設的「華星冰室」25號開幕,據聞陳奕迅有份投資「華星冰室」,不過,Eason卻缺席開幕儀式,但有許志安到場為冰室開幕.睇到報紙內裡環境好懷舊,牆身有好多華星出品黑膠唱片.
可以到以下網誌睇睇 : http://www.openrice.com/restaurant/sr2.htm?shopid=41467
細迷

電影 "畫中仙" 主題曲

之前係網上都有fans講過電影"畫中仙"主題曲係由梅姐所主唱,大家都應該略知一二,首歌雖然沒大出版過,但係係電影中段有出現過一小段,當然唔好放過呢半首好好聽的歌啦!!
雖然得半首歌,但只要你買隻vcd就會出現三個版本,點解呢?就係因為這首歌有國/粵語版本,國語版叫"像夢幻" 粵語版叫"像夢如幻",只要係vcd選擇右聲道或左聲道就會出現以上兩個版本,好啦!!以上兩個版本大家都應該明白,第三個版本呢?係咪好緊張呢?不過大家唔好以為會有日文版或者英文版係冇的....好啦!第三個版本大家只要同時選擇左右聲道同時發聲,國/粵語版本就會同時出現,好似冇乜特別?有特別嫁,首歌同時出現但梅姐把聲會國/粵語一句接一句唱不會重疊好好聽的!!
如果想轉成mp3最好同時買多一隻dvd,因為用vcd轉國語同粵語版轉出來只有單聲道,而第三個版本就只有vcd才有這個效果.今次將粵語版"像夢如幻"給大家聽聽,另外的請大家自己買隻碟來聽聽!! enjoy mui music
細迷

勁歌金曲

因為版稅爭拗關係,今年勁歌金曲係最冷清的一年,四大唱片的歌手全部缺席,熱熱鬧鬧場面今年就睇唔到啦!今年"最受歡迎女歌手"係容祖兒,亦都打破咗梅姐五連霸記錄,其實祖兒同梅姐都有些相似,大家都係好勤力一步一步得到大家應同,台上台下都好照顧其他歌手,所以不須要太介意是否打破梅姐紀錄,最重要係香港樂壇再次發光發熱!!

排隊買飛的日子 3

大迷就有小強陪,我就有一大堆人陪喇!!極夢幻加開最後兩場時,今次約多一位歌迷一齊排,我哋決定垮區出去上環排隊買飛,因為購票的地方係三樓,上到去真係嚇咗一跳,睇到一條很長的人龍,當時時間大約晨早四時到,好奇怪排隊的人龍全部都係公公婆婆,唔通真係餓咗好耐,所以排頭位等睇梅姐?不是不是啦!!原來他們排隊係拿免費門票睇大戲,公公婆婆算好人話比我哋知係另一邊排隊就可以,我哋就另起一條隊買演唱會門票啦!!真係驚餐死!!
細迷

排隊買飛的日子 (二)

見到細迷開咗呢個咁有趣嘅標題, 我都想同大家分享吓我有下次的經歷. 記得我0個次係排隊買 Classic Moment Concert 最尾場嘅門票. 因當時大家都心中有數呢個演唱會如果錯過咗就好大機會係一生嘅遺憾, 所以我就同埋幾位朋友決定在大會堂瞓街排通宵. 日頭排都冇乜所謂, 大家有傾有講時間好快就過, 但一到入夜恐怖嘅事情就發生啦. 當時大大話話都有數十個人一樣瞓街等買飛, 但大部份就半睡狀態, 而我因唔習慣就瞓唔到. 當時四周都幾黑, 忽然間見到漆黑嘅地下有好多一點點更黑嘅嘢在動, 嘩 望真啲係好多隻小強走哩走去. 當時我真係嚇到彈起, 就係咁樣眼光光等到天光啦.

大迷

14-01-2010 1:13 am

排隊買飛的日子 1

有兩次排隊買梅姐個唱門票情境比較深刻,兩次都係"極夢幻演唱會",一知到幾多號就購票就同另一位歌迷約定一齊晨禁早去排隊,我記得係晨早四時,去到的時候已見到有一張"摺櫈"係到排隊,我哋二話不說就張張"摺櫈"放到很遠的一個垃圾桶到,哈哈係咪好鬼衰呢!然後返回排隊乜事都有發生過去!!
細迷

電影<胭脂扣>真迹畫

係今期"明週"第131頁,有一張圖片係電影<胭脂扣>中的真迹畫,這編文章係訪問黎小田的新居,大家留意吓.
細迷

近藤真彥首談昔日情

今期2148期明報周刊封面係梅姐同近藤,文章講及昔日情同秘密來港拜祭舊愛,轉眼間都巳經廿幾年前的事.

無人願愛我

電影"獵鷹計劃"主題曲"無人願愛我"----我記得電影上畫時首歌咪出碟的,所以係電影海報中得知這首歌,但係海報所刊登的歌名不是現在的歌名,原先歌名是"易燃激火",看這個歌名有點兒摸不著頭腦,係快歌定係慢歌是什麼內容呢??真係估唔到,其實可以買隻vcd睇吓電影完場所出的歌名是用"無人願愛我"還是用"易燃激火".
細迷

最完美的 "似水流年"

係華星時代所推出的CD或精選碟都是"似水流年"新版本,大家聽落應該沒有分別是嗎?係04年陳淑芬小姐連同明報週刊為梅姐特別印製了一隻"似水流年"第一版給讀者,這張碟大家都應該印象深刻!今次不是講梅姐錄音情況,而係想講這張碟所收錄的版本係一個最清晰最響的一個版本,無論係梅姐把聲同音樂都同樣清晰,只要聽完這個版再聽聽"新版本"就會有好大分別,係"新版本"聽上來總是有一種很"朦"的感覺不夠清晰,可能編曲方面覺得"朦朦地"會帶出更多那種無奈同淒涼的意境,但係當大家聽過"第一版"之後,就真係好似陳淑芬小姐所說:[一聽便聽到不肯停下來,不但曲好,編曲好,詞好,唱得好音質仲好好.]
好啦!!今次就不打算把兩個版本放上個blog到,等大家係家裡慢慢聽吓係咪最完美的"似水流年".

聽吓係唔係

之前講過電影"歡樂叮噹"裡頭的主題曲"戀愛多一次" , 今次可以俾大家聽吓啦!!同時聽吓85年個唱打鼓一段音樂,聽吓是不是就是這首歌 !!

戀愛多一次
85個唱打鼓

happy new year

新年快樂!!新一年新開始,祝大家開開心心,工作事事順利.
邁向新一天 !!
細迷

時光飛逝又六個年頭

估唔到咁快到六個年頭,諗番六年前的那個晚上.....一個人坐在廳中,聽住一個歌迷致電話梅姐已走,當時心裡那種感覺真係一世都唔會忘記,頭腦一片空白....直到收音機開始不斷播放梅姐嘅歌曲,眼淚就好自然咁流下來.
今晚自己一人剛去了中環一個記念晚會,心情好輕鬆,又好期待...期待嘅係會否有啲珍貴嘅片段睇...場內播出梅姐多首歌曲...淑女,似火探戈,夕陽之歌...嘩好滿足.
跟住返到屋企又大播特播梅姐嘅歌曲...到依家都成4:00多啦,再聽商台梅姐嘅特備節目...一啲都冇眼瞓喎.

大迷上

Larger Than Life by Anita Mui

剛剛搜尋到一篇關於梅姐的文章 .
http://alexxbb.mysinablog.com/index.php?op=ViewArticle&articleId=959642

細迷

歌之女

做這個"歌之女"banner時沒有想過會令到自己唔開心,其實歌詞本身係歌者想多謝一直以來支持佢的朋友同歌迷,所以我想用返這首歌來多謝返歌者,其實係妳帶引我們成長,係妳始終不棄掉我們.係這幅圖裡面每打一個字都想起妳係舞台上的情景,做完這個圖時心情好低落所以十二月初時沒有太多更新這個網誌,其實好想寫但係對著電腦就空白一片,一隻字都打唔到,不過一個星期到心情就平復下來,同時由找到方法把音樂放上個網誌到所以心情好返好多.
細迷

梅姐請吃糖 & MERRY CHRISTMAS

唔夠一小時就到聖誕節啦,希望大家都開開心心,同你喜歡的人/朋友一同渡過這個愉快假期 . 暫時放下手頭上工作 , 出去玩玩 . 送首熱熱鬧鬧歌俾大家 . 歌名就等梅姐講給你們聽吧 !!

聖誕快樂

祝大家都有一個開開心心的聖誕節 , 聖誕節前就係平安夜不知道你們會不會去報佳音呢 ?唔報唔緊要最緊係開心嗎 , 在這裡送一首歌俾大家 . 預告 : 平安夜晚梅姐請你哋食糖同唱首快歌俾我哋聽 , 開開心心迎接聖誕節 .
" 愛情來了報佳音 "

從沒有聖誕 能像這聖誕
平淡中顯不簡單
燦爛全因你 還我舊歡顏
情路滿冷眼 仍害怕再逛
猶在想不想之間
便已跟你 依偎穿梭往返

愛情來了 你的臂彎
圍住我像多麼慣
風此際是否冷
哪用來支撐
但感熱流凝不散

愛情來了夜更迷漫
馮著燈飾的璀璨
偷偷再望一眼
愛慕來又返 心不再仍是冷

來若你冀盼 平淡我會慣
情話盡管多簡單
燦爛仍因你 隌我度空閒

來日再聖誕 祈望似這晚
甜蜜以後亦循環
後半生也佳音繼續瀰漫

送給大迷的聖誕節禮物

近來好少看到大迷寫個blog , 我怕佢打字速度慢咗所以在這裡送個小遊戲給大迷 , 希望佢唔會生疏 . 唔....真係一份好有心意的聖誕節禮物呀 !!


細迷送上

明報週刊 永恆的巨星 梅艷芳

明報週刊online網頁的 --- 我們的永恆巨星特輯是"梅艷芳" , 有好多珍貴報導訪問同相片.大家快快去看看!!
http://www.mingpaoweekly.com/eternalstars/anitamui/form.php

細迷

Open The Door

好幸運係二手物品店裡找到這一張CD,拿上手時只係因為封面吸引所以才買回家,完全沒有想過會跟梅姐扯上關係,好震撼好震撼好似所有回憶突然湧上心頭,因為裡頭有兩首音樂就是2003梅艷芳經典金曲演唱會的開場音樂跟隨便是"夢裡共醉".
這張電影原聲碟 "The Last Emperor" 音樂部份係由 RYUICHI SAKAMOTO(板本龍一) DAVID BYRNE and CONG SU , 兩首開場曲是由"板本龍一"監製 --- Open the door & Where is armo? 另外有一首 Main Title Theme(The Last Emperor)係由David Byrne監製(即是夢裡共醉),整張專輯重中帶著一股愁緒與悲情,隆重中卻帶著可悲與無奈,這也預示了這一末代皇帝一生的無奈。
打開那扇門-香氣從哪裡來?-夢裡共醉,似乎一開頭就完完全全告訴我們知這是一個無奈告別的個唱,不只是最後一部份"夕陽無限好,只是近黃昏"也不只是裙褂到婚紗吧.
細迷



注意: 請不要一同開啟三個播放器.

終於可以

攪咗好耐終於可以把音樂放上個Blog到啦!!之前試咗好多方法都不成功真係好灰好灰,好彩都可以係聖誕節前得咗!!好開心!!

美麗高解像

無線電視晚上九時半有一齣劇叫 " 美麗高解像 " , 係關於娛樂圈的黑暗 , 娛記揭秘 , 將娛樂圈擺上台做咗一齣劇 . 今日第一次睇咗少少突然想起梅姐一首唱歌 " 艷舞台 " .
越來越沉迷越多圈套 最多的春色最貪慕
原來同在一個快樂城中 便圍個圈 笑著來戲弄
來寬衣 來解帶 來編出一隻艷舞
營造期待 但將到未到
原來偷窺了甚麼 仍然遮掩了甚麼 等你揭露

作詞者解說 : 娛記揭秘 娛民窺秘 大家樂此不疲
香港是個活色生香艷舞台 觀眾反應
比藝人動靜更引人入勝

細迷

Larger Than Life by Anita Mui

剛剛搜尋到一篇關於梅姐的文章 .
http://alexxbb.mysinablog.com/index.php?op=ViewArticle&articleId=959642

細迷

歡樂叮噹

電影 "歡樂叮噹 " 裡面的主題曲係由 anita 同 許冠文主唱 , 歌名叫 " 戀愛多一次 " ,
係冇出過唱片的 , 要聽的話就只可以買隻 dvd / vcd , 這首歌係有粵語版同國語版的 , 只要選擇左聲道或右聲道就可聽到兩個不同版本 , 首歌係電影中段會出現一小段 , 最好係電影最尾部份 , 但都係得一分鐘多少少 . 不過唔緊要啦 , 最緊要係有得聽嗎 !!
其實係 " 梅艷芳盡顯光華演唱會 " 中都出現過這首歌一小段 , 係唱 " 夢伴 "前 anita表演打鼓就係這首歌啦 !!