繼上次屯門市廣場展覽空前成功後,依家我0地最愛嘅舞台皇者已進注到粉嶺碧湖花園啦.好開心今日同細迷可以一齊去參觀此展覽, 嘩! 一出到粉嶺站月台就驚見一張巨型艷舞台造型嘅宣傳燈箱,我0地二人當然二話不說拎出相機,手機影相留念啦.
入到商場內, 地方雖然比上次細咗,但所展出嘅物品就冇少到, 唯一少咗就係高掛0係商場中嘅四張特大掛布以及幾個神出鬼沒梅姐嘅人型企板.
不過有一個大驚喜就係只要答中宣傳單張上嘅三條問題交回該處就回送你一張小小嘅女皇海報, 相信係送完即止,所以各位有心人就要快啲去啦.
大迷上
08-11-2010
沒有留言:
張貼留言