1996年 許志安首個個人紅館演唱會

一連三場許志安演唱會係三月尾舉行 , 可能係梅姐徒弟仔關係 , 點都有少許情意結係到 , 都會買佢cd , 當年許志安情歌又真係好好聽 , 當知到佢會開演唱會自己都開心 , 又有梅姐徒弟開演唱會 ( 之前草蜢係九五年開 ) , anita 就係尾場才做許志安特別嘉賓 , 當anita出場時就唱咗"夢伴" , 之後係台上同許志安說說笑笑 , 之後草蜢亦都上台一齊大談當年一起同anita走阜日子之後就唱 "將冰山劈開 " .

第一次睇 anita 演唱會

第一次睇梅姐演唱會係九零年夏日耀光華 , 亦都係第一次入紅館 , 所以心情特別緊張同興奮 , 為咗睇梅姐演唱會都要儲吓錢才買到山頂票 , 果個年代一有演唱會 , 紅磡果帶一定大塞車 , 交通又無而家方便 , 所以都要早少少出發 , 係啦 !係啦 ! 係啦 ! 我係睇完"閃電傳真機"果套 " 乜乜英雄傳 "卡通片坐巴士去啦 !! 早出發自然早到啦 !! 七點幾就入得去 , 早入場都唔覺悶 , 因為第一次入紅館入到去真係好大可能仲係小朋友關係睇乜鬼都覺得大D 靚D 天真D 啦 !!

未開 show 前睇到 D咩呢 , 咪睇到果舞台囉 !! 哈哈 ... 舞台真係好大, 相比而家係大好多 , 而 "夏日" 舞台相比之前就簡單 D 無乜機關 , 但現場睇你會覺得好華麗 , 因為舞台地面有一些大型花紋同燈色做配襯 , 望落去唔覺得太單調 .

好啦 !! 大家睇吓個鐘先 , 八時十五分全場燈關起 ,四方八面掌聲尖叫聲比起始落 , 音樂响起 , 一分三十三秒前段澎湃音樂 ANITA 從舞台中間升起唱0既第一首歌係 " 愛我便說我愛吧 " 從紅館燈關一刻 , 個心 卜卜卜卜 跳得特別厲害 , 因為終於親眼睇到 ANITA 唱歌跳舞 !!

整果演唱會流程唔多講 , 因為有出影碟大家都應該睇個 , 不過有幾首歌就無收錄到 , 就講吓係咩歌啦 , 係第二 part 唱完 " 一舞傾情 "後 梅姐唱咗一首人哋0既歌 , 關淑怡0既 "難得有情人" , 嘩 !! 超好聽 , 可能當時 anita 拍緊拖 , 唱起上來更加甜蜜 , 係粉紅燈光下更顯得 anita 柔情一面 , 係呢一part 最後部份同倫永亮合唱完 "明天你是否依然愛我"後 anita 就交個台比倫永亮唱歌 , 佢唱咗首 "你知道我在等你嗎" , "胭脂扣"都有唱不過唔係好記得係邊一 part , 好似唱完 "焚心以火"之後 , 但又好似係著褀袍到唱喎 !! "曼珠沙華" 就係著粉紅色大傘裙時第一首唱0既歌 . 整個演唱會選唱別仌的歌都幾多吓 , 我哋數一數有 "難得有情人" "明天你是否依然愛我" "dancing boy" '最愛是誰" "倦 " " 焚心以火 " " 血染的風釆 " 一共七首 , 都算幾多吓 !!

當時我同我家姐都好希望梅姐唱 "無人願愛我" 同 " 愛你想你 " , 好可惜冇選唱這兩首歌 , 而安歌時候 , 就真係俾你點你想聽0既, 每一面一首歌 , 我睇果場就唱 "赤的疑惑" "IQ博士" "傷心教堂" "冰山大火" 最後就唱 "珍惜再會時" , 整個演唱會就完啦 !!

本來呢篇文章只係想寫梅姐唱 "難得有情人" 寫吓寫吓唔知點解諗起果日情影喎 , 由出發到整個演唱會 , 真係好似昨天發生0既事情 !!!

十月搶頭看

下個月十號就係梅姐生日日子,唔知大家會唔會去歌迷會聚會,我同大迷去的機會不大啦! 不過我哋都會係呢到做生日function , 而家製作中 , 希望到時比到驚喜大家 !!
到時十月十號會有第二次搶頭看活動 , 第一個回覆會有我哋送出奬品 , 奬品暫時未諗到係乜 , 同樣微博個邊都會有搶頭看玩意 , 等大家忙吓走來走去開開心心.......

記住啦 !!!! 十月十號搶頭看 !

一個關於 ReMix歌 blog

係另一個blog到發現到一個關於RxMix歌blog,實在太精彩所以同大家推薦一下,呢個blog名稱係:207890ReMix台,收集中英文ReMix歌仲可以收聽歌曲,暫時找到梅艷芳一首ReMix:We'll Be Together, 梅艷芳
其實梅艷芳仲有幾首ReMix,遲吓叫大迷找佢比較容易找到呢d資料,大家有興趣入去睇睇.

207890ReMix台
http://kennylai2001.mysinablog.com/index.php

煙 雨 淒 迷

噚日係Danny Chan 陳百強冥壽,商台余而發0既節目"一切從音樂開始"就三小時播著danny仔歌,聽到有一首"煙雨淒迷"時,突然諗起之前另一個節目"有誰共鳴"黎小田做嘉賓主持,佢講起有一段時間同danny仔係樓上樓下,有一次danny撞到佢,danny話"你成日都作歌俾梅艷芳,歌衫淚影/似火探戈/....鬼死禁好聽,問佢幾時可以作首歌俾佢,當然黎小田答應寫首歌俾danny chan啦,其實當時黎係同華星簽咗做唱片監製,所以佢作到既歌多數先比華星既歌手.....講到呢到大家都估到黎作咗咩歌俾陳百強啦!

懷舊演唱會錄影帶

想當年DVD未咁流行,又冇錢買LD,大多數都係買錄影帶,其中87-88 嘅演唱會仲有兩個封面可供選擇㖭.另外'The Legand Of Pop Queen Part III'記得當時都比較罕有,好似唔係0係香港買嘅.

大迷上
7-9-2010

今期 Monday 周刊又見阿梅

今期 'Monday' 內有版講80年代嘅專題,當中一定唔少得梅姐啦, 其他還有哥哥,Danny仔,阿Lam 等等....

大迷上
7-9-2010

回應細迷文章

呢張就係細迷之前提及過'東'周刊嗰張文章啦.

大迷上
7-9-2010

有誰共鳴

今日商業電台"有誰共鳴"節目嘉賓主持係江欣燕,佢係節目講返當年參加"新秀"係因為同朋友仔一齊報名同時可以睇到佢0既偶像"梅艷芳",就係這樣又比佢入選到,當初佢的參賽歌曲其實係唱"似水流年",但當年黎小田同佢講你太細過如果著起長衫唔好睇,叫佢係歌普找個另一首歌嚟唱,但係其他歌曲又唔係好懂,只係記得吓"再見puppy love"副歌部份,就係這樣唱咗"再見puppy love",真係唔講唔知原先所唱的歌曲係"似水流年"

今期366 東週刊

今期東週刊有一篇由資深娛樂記者所寫0既專欄,講返當年為anita相約珠寶姐往事,有興趣買返本黎睇睇!!

心經

心經

觀自在菩薩
行深般若波羅蜜多時
照見五蘊皆空 渡一切苦厄
舍利子 色不異空 空不異色
色即是空 空即是色
受想行識 亦復如是
舍利子 是諸法空相
不生不滅 不垢不淨
不增不減 是故空中無色
無受想行識 無眼耳鼻舌身意
無色聲香味觸法
無眼界 乃至無意識界
無無明 亦無無明盡
乃至無老死 亦無老死盡
無苦集滅道 無智亦無得
以無所得故

菩提薩埵 依般若波羅蜜多故
心無罣礙 無罣礙故 無有恐怖
遠離顛倒夢想 究竟涅槃
三世諸佛 依般若波羅蜜多故
得阿耨多羅三藐三菩提
故知般若波羅蜜多
是大神咒 是大明咒
是無上咒 是無等等咒
能除一切苦 真實不虛
故說般若波羅蜜多咒 即說咒曰
揭諦揭諦 波羅揭諦
波羅僧揭諦 菩提薩婆訶

痛

灰色的天,灰色的雨,我諗係大部份香港人的心情,既悲且憤,心痛...心痛很痛.今次事件看得到一個國家的反應遲緩,警方沒有部署下救人質,低估槍手威力,沒有以人質的安全為大前提下,錯失救人機會.事發一刻雖然我冇係電視機前看到,只係從大迷口中講述,當時一刻真的真的心如刀割,心痛係....係因為佢哋都係住在同一天空下的香港人,但願所有傷者都可以早日康復早日回港!!

梅艷芳 anita mui 月光 live

剛剛係網到找到一條片,是梅姐現場唱"月光",這首歌自己好少拿來聽,所以冇想到有現場版本,因為少聽而家睇住現場演繹片段又覺得幾好聽,唔知到大家喜唔喜歡這首歌呢?
月光
月色如水 夜色孤獨 回首來時路已模糊
記憶的路 眼淚的温度 媽媽的苦 我都清楚
許多夜 我爬上屋頂 月世界 燈火一盞一盞像在風裏哭
剩下一個我 裏著妳給的衣服
找一個萬夢 走一條路
妳像月光夜夜在祈禱我幸福 照亮我踏的每一步
我不會哭 我不會輸 我在月光守護的黑夜裏
看著自己真的像妳 走妳走過的路
今夜讓我對妳說這一句 我愛妳

鐵達時廣告

遲吓我會做一篇關於鐵達時這個廣告,而家睇住少少先!!

特效相片

阿梅 T-shirt

原來不經不覺自己都有十件印有阿梅肖像嘅 T-Shirt, 每件都比到我不同嘅回憶, 好似有生日會時著, 有開演唱會時歌迷自發印嘅等等.....唔知大家又有幾多件呢? 其中我最鍾意就係印有多款梅姐嘅眼睛嗰件,因為一路都好欣賞梅姐雙眼, 好有神又有吸引力.

大迷上
19-08-2010

親密愛人

尋晚執嘢又有新發現,就係呢張香港較少有嘅 "親密愛人" 大碟嘅唱片海報, 但因自己保存得不太好比較皺.
另外此專輯除了出 CD之外, 還有卡帶, 黑膠唱片.

大迷上
19-08-2010

第十四屆新秀大賽場刊

大家仲記唔記得第十四屆勝出嘅係邊個呢? 係 Eason 呀, 其中楊千嬅都係同一屆, 睇番佢二人當時十幾廿歲0個樣都幾清純.
大迷上
17-08-2010

哥哥+梅姐 罕有封面照

哈哈今晚好開心搵番連自己都差啲唔記得咗有關梅姐嘅嘢,好相似呢本雜誌咁,封面嘅梅姐超有型,佢同哥哥真係天作之合,好襯.呢本書唔係香港出版嘅,所以呢輯相片相信本地粉絲比較少見,好奇怪雖然做咗封面但書內一段有關佢0地嘅報導都冇,就連一張相都冇.
大迷上
17-08-2010

香江花月夜特刊

好開心今日0係無心之下揾番本 "香江花月夜", 但呢本書嘅出處真係唔記得清楚, 只記得係某本雜誌附送.內容係寫該劇劇情,各演員嘅資料等等.
大迷上
17-08-2010

七夕

係咪好奇怪"七夕"又會跟梅姐扯上關係呢....? 其實係因為係電視台幫梅姐做一個節目 , 係個節目到梅姐跟林子祥合唱咗"七月初七"這首歌 , 而這首歌係林子祥0既 , 唱完半首"七月初七"就再唱多半首"最愛是誰" , 所以今日好想同大家分享吓這首歌 !! "七月初七"首歌0既歌詞完全講到牛郞織女這個故事更將每一對情侶對愛情堅貞刻劃出來 , 兩位歌者演繹更是天衣無縫 !!

今日我會將這首 "七月初七"同"最愛是誰"mp3送俾第一個係"意見"到留言的有緣人 , 當然希望留言都講吓感受啦 , 但記得要留下閣下電郵 , 唔係就 send 唔到俾你啦 !!

希望每年的"七夕"都送這歌 , 不過大家可能要提吓我 , 唔係我多數唔記得 !!
細迷

農曆 七月初七 搶頭看送歌仔

8月16日便是農曆七月初七又名"七夕" , 即係一年一度牛郞與織女相見0既日子 , 我想係"七夕"當日送首歌仔比一位有緣人 , "七夕"當日我會有一個標題 : 七夕 只要大家最快係意見留言同閣下電郵 , 我就會將首歌送比你 , 我都唔知到當日幾時將個標題放上來 , 所以大家就比少許心機留意吓啦!! 至於係咩歌就當日話比你聽而家唔講住 !!

記得係 8月16日 ( 星期一 ) 搶頭看 !!

細迷

梅姐報章廣告 (四)

Neway 獨家試唱 "我很快樂" "愛的教育" 的宣傳廣告, 而呢二首 MV 亦從未0係其他碟推出過, 唔知有冇梅迷可以同大家分享一下呢 ?

大迷上
13-08-2010

梅姐報章廣告 (三)

Classic Moment DVD 限量紀念版廣告, 相信大部份梅迷都會有買到作為珍藏嘅.

大迷上
13-08-2010

梅姐報章廣告 (二)

呢張係梅姐同哥哥當時推出 "芳華絕代" 此金曲首播時的廣告宣傳, 記得當時見到此廣告心裡就十分之期待可以見到該個 MV 嘅心情, 相信只有梅姐會另我有此感覺.

大迷上
13-08-2010

梅姐報章廣告 (一)

呢張係梅姐當時推出 '女人之苦' 時, Neway 獨家試唱時的廣告宣傳相, 相中梅姐嘅笑容女人味十足, 感覺好舒服.

大迷上
13-08-2010

梅姐大陸版紀念碟 (四)

最後要介紹就係呢張 '梅姐三周年紀念碟', 用銀色配黑色梅姐大頭相, 感覺好冷艷不過有啲傷感 feel. 此碟都係 Classic Moment Concert, 但內有一張大陸訪問嘅 VCD 附送, 外盒亦採用番之前嘅硬身物料, 歌書都有齊, 售價約 $90.

唔知0係今年會唔會再有其他有關梅姐嘅紀念碟推出呢 ?

大迷上

13-08-2010

梅姐大陸版紀念碟 (三)

當梅姐離開我0地一周年時, 內地亦有為此重新出版過一張 '一周年紀念版', 雖然都係舊酒新花瓶 Classic Moment 演唱會, 但最特別係內裹附有一張梅姐在內地接受訪問嘅 DVD, 總算係一個少驚喜. 此碟嘅包裝就略為簡單, 都係用一般紙盒, 但亦有歌書作附件, 記得價錢就約 $90, 比起之前兩張較貴.

大迷上

13-08-2010

梅姐大陸版紀念碟 (二)

此兩張都係梅姐嘅 Classic Moment DVD 同 VCD, 其中比較特別嘅係封套相片分別擰左同擰右. 外盒都係用較硬物料所做, 盒內分別有畫冊以及紀念郵票一份, 記得 VCD 售價約 $40 左右都十分超值.

大迷上

13-08-2010

梅姐大陸版紀念碟 (一)

一向內地出版嘅東西比我印象都較為粗糙,又似翻版, 但係凡事都有例外,好似以下幾張梅姐嘅紀念碟包裝精美,內裹附送嘅書仔,紀念郵票都十分之精美,在此想同大家分享一下.
首先呢張就係第一張內地出版梅姐 Classic Moment Concert 演唱會嘅 DVD, 內有精美歌書亦附有一張郵票, 外盒更係用較硬身嘅物料做, 價錢依稀記得約 60-70 元,整體十分精美超值.

大迷上
13-08-2010