一如以往我哋歌迷都會唱生日歌俾 anita 聽既 , 不過呢年比較特別 , 唔知大家仲記唔記得 ?
係呢條片大家可以找到答案 !!
今天就是十月十日所以揀選這條片等大家一同唱生日歌給 anita 聽 !!
祝梅姐 : 生日快樂 !!
2011年10月10日 星期一
2011年10月9日 星期日
2011年10月2日 星期日
2011年10月1日 星期六
2011年9月30日 星期五
1999 梅姐生日會
很久很久沒有更新 , 記得上年放了九八年既生日會 , 今年就放九九年生日會片段 , 回想起九九年都算是好開心的一年 , 因為梅姐開了兩次演唱會又推出兩張國粵語唱片啦 , 仲有仲有一年一度各梅迷都好期待既梅姐生日會 , 須然地方細細沒有得坐但都冇影響我哋心情反而仲熱熱鬧鬧但就時間方面短咗些少 , 好 !!! 講咗咁多先 .
今次先放梅姐唱 "抱緊眼前人"片段 先 !!
2010年10月23日 星期六
2010年10月15日 星期五
98 生日會 --- 大唱懷舊歌 1
整個生日會我覺得最開心就係呢一段,anita同佢家姐大唱懷舊歌,雖然冇音樂只係清唱已令我哋聽到如痴如醉!!
1) 午夜結他
2) 偷偷摸摸
3) 採紅菱
4) 像霧又像花
5) 給我一個吻
2010年10月10日 星期日
98 生日會 ---- 慾望野獸街
今次生日會 梅姐 就咗佢家姐梅愛芳做嘉賓 , 但實情係做表演做阿四 (哈哈 ) , 令到佢家姐哭笑不得 , 時不時 anita 就會 call 阿 ann上台玩吓唱吓歌 , 開頭時 ann 就唱咗幾首 anita , "胭脂扣 ""慾望野獸街" " stand by me " 等 . 當然ann點會得佢唱...同時大家都聽 anita唱歌啦 !! 可能 anita 唔想搶 ann風頭所以就話佢唱歌自己就跳舞 .
今次呢段影片原本阿 ann係想唱 "再共舞" , 但唔佑點解出咗首 " 慾望野獸街 " .
2010年10月8日 星期五
梅姐 梅姐 呢邊呀 唔該
1998 Anita Mui Birthday Party
這天 anita 的狀態很好 , 皮膚/身型/眼神都找不到絲毫疲憊 , 髮型/化妝/衣著都配合得好好/好簡單/好親切 . anita 未到酒店時 , 係我哋 fans 自助晚餐 , 大約八時半梅姐就現身 , anita一出當然記者歌迷一擁以上 , 其實呢個時段係俾記者影相 , 亦因為太多歌迷 , 梅姐唯有開咪叫歌迷先退回自己坐位等記者朋友影完相後聚會才正式開始 , 大多數 FANS 係好聽 anita 說話乖乖返回坐位 . 而我當然唔係乖嗰批啦 , 繼續企係到扮記者 , 這時記者們紛紛叫 " 梅姐 梅姐 呢邊呀望一望鏡頭 " 這邊又叫那邊又叫 , anita 個頭由左到右又由右到左 , 係記者角度當然希望梅姐個頭正正對住佢哋嗰鏡頭啦 !! 忽然唔知係邊一面有記者叫道 " 梅姐 生日快樂 呢邊 " . 梅姐聽到跟住聲音方向望 , 呢個記者成功咗 , 之後 .....其他記者有樣學" anita 心想成事 " " anita 青春常駐 " " anita 乜乜 " " anita 又乜乜 " 場面都幾搞笑 , 自己都有諗過叫 , 不過諗諗吓叫咗俾記者/梅姐發現我唔係記者咪"瘀爆"
つづく
年份 : 1998 . 10 .9 時門 : 7:30PM - 12:00AM
地點 : 尖沙咀 新世界萬麗酒店 ( 此酒店已拆卸 )
2009年10月8日 星期四
1994年梅艷芳醉朦朧生日會
1994年梅艷芳醉朦朧生日會 日期 : 十月九日 地點 港麗酒店 時間 : 五時三十分左右九四年醉矇矓生日會係我第一次參加梅姐生日會聚會 , 亦都係我第一次加入歌迷會 , 更加係我第一次非常近距離睇到梅姐 , 個心緊係卜卜勁跳啦 !!! ヽ(^。^)ノ
咪正式開始前就係出面有個自助茶點食到禁上下就入去排排坐等我哋偶像啦 (*^。^*) 我係自己一個人參加仲以為會將我編D角落頭位 ('_') 點不佑原來係第二排中間位添 (^。^) 你話係咪仲緊張呀 !! 好啦 ! 終於等到梅姐出現 , 記者的閃光燈 , 我哋歌迷歡呼聲簡直變咗係紅館一樣 , 雖然從大門口到舞台仔係好近 , 但因記者歌迷一擁已上 , 令到梅姐幾經艱難才可去到舞台仔 , 上到台上就同我哋講 , 等記者影完相就會正式開始 , 當記者離開後 , 我哋喺聚會就嚟啦 (^^♪ 生日會當然係許願切蛋糕 , 唱生日歌 , 之後呢 .... 唸吓先 ........(-_-;) 係啦 ! 梅姐請了兩位嘉賓 , 第一個係當年新秀冠軍海俊傑另一位係梁漢文輪流唱歌 , 之後梅姐就真係同我哋玩吓遊戲 (睇相自己估吓) 之後仲有抽獎&輪流上台送生日禮物給梅姐 . 攪完一輪後 , 就有我哋最關心梅姐之後動向所以有十條問題可發問 (當然唔記得問過咩問題啦 !!) 問完問題後梅姐就唱了幾首歌比我哋聽聽 (^^♪
生日會亦都差不多完結啦 !! (^_^)v
細迷
訂閱：
文章 (Atom)