不可能再遇上 ....

今天又去了圖書館 , 無意中發現"不可能再遇上 anita梅艷芳" 這本書 , 原來已經係今年2009年2月再出第五版 , 內容基本一樣 , 但加咗一些新相同時係"序"找了梅姐的好朋友再一次寫"序" , 令我最深刻的一篇係連炎輝先生所寫的 , 連陪梅去日本見近藤 , 說好了梅拍完京都廣告回來 , 會再陪她再去一次見近藤 , 但可惜的是 ........

連這篇"序"標題是 : 很難寫下去 , 說的是 , 很難很難 , 睇完都眼紅紅 . 有興趣可以去圖書館睇睇 !!

細迷

寒風陣陣

今年冷空氣來得早一點 , 現在才十一月頭 , 北方已經零下三四度仲落起大風雪 , 係香港天氣開始轉冷 , 大家都要注意身體 .

女人花 1

如果要你講一首鄧麗君的國語名曲 , 你會想起邊首呢 ? 會唔會係 "月亮代表我的心" . 我們的梅姐呢 ... 你又會選邊首 ? 如果係梅迷一定係 "親密愛人" , 但原來仲有一首歌都可以代表梅艷芳的就係 "女人花 "
有一次行開西洋菜街 ( 即女人街 ) 裡面有兩三間片舖 , 係賣一些國內引進版 , 大多數係一些古典音樂 / hi-fi天碟 / 靚聲碟同電影dvd等等 , 原來唱這些hi-fi碟/靚聲碟的國內歌手大多數會翻唱其他歌手的歌 , 只要入到店裡看看 cd 背面歌曲 , 就會發現他們選唱梅姐的國語歌係 "女人花" , 無論男歌手或女歌手都選這歌 , 可能這歌好代表梅艷芳的感情世界/旋律好容易帶出他們的聲線同感情 , 所以就選唱這首歌 .
今日就找到一個網址 , 係一個國內男歌手唱"女人花" , 個感覺係唔同d , 可能係由男人唱女人感情 , 你們可以聽聽 !!
http://www.yue365.com/play/731/90190.shtml

細迷

梅姐小百科

上次提過日版嘅梅姐,今次講吓中國版嘅梅姐啦.

以上兩隻都係阿梅比較早期推出嘅國內引進版嘅正版CD, 起初見到個封面都以為係老翻碟, 經多番去查問些對音樂較熟識嘅朋友, 証實當時國內真係曾經推出過這兩張正版CD. 我好幸運地當年認識咗一位比較成熟又愛好香港音樂嘅朋友, 佢見我咁鍾意阿梅就張這二張CD轉讓比我, 所以我定必好好珍藏. 如果各方梅迷仲有其他新發現, 大家不妨留言相告,又可以留言大家分享一下呀, 謝謝.

大迷

30/10/09

梅.憶錄 (四)

記得細個屋企冇CD機, 聽歌都係聽卡式帶, 所以一直都有儲起阿梅嘅卡帶. 但當有CD機時, 想買番啲卡帶就好困難啦, 搵哂全香港都搵唔到. 起初真係以為時代進步, 卡帶應該完全給取替, 但皇天不負有心人, 偶然一次去外地旅行, 行過啲唱片舖竟然見到好多梅姐嘅盒帶, 原來現在有些東南亞地方仍然有卡帶賣㗎, 於是乎又買咗一大堆返來, 哈哈哈........有時我亦會去啲專賣舊東西嘅店舖去搜集, 好多時都會有意外收穫㖭.

於是現在每逢一見到街上有梅姐嘅盒帶我就會立即買落哩, 買吓買吓就儲到現在咁多啦. 有時我會諗吓如果有朝一日可以張啲盒帶全部掛哂上牆, 嘩到時一定係好壯觀啫.

大迷

30/10/09

梅姐小百科 (日本版)

相信梅迷都會知道梅姐有出過兩張日文細碟, 但其實仲有一隻黑膠細碟 (成龍封面嗰張), 碟內有首歌係成龍同阿梅合唱嘅, 不過歌名就唔知啦, 因為只得日文寫法. 呢隻黑膠細碟想當年我真係好偶然咁喺某個商場內逛, 忽然比我見到該碟嘅CD版, 比錢時該店員話仲有黑膠版, 於是我就喺該店搵咗大半日終於搵到啦, 該日就超級滿足咁走啦.

另外, 歌之女呢隻碟原來都出過日文版㗎, 盒外仲有側紙㖭. 盒內有日文歌詞附上, 唔知各位梅迷有冇其他有關梅姐出過嘅日文專輯資料呢? 有嘅話大家不妨留吓言啦, 謝謝.

大迷

30/10/09

更新

之從講完阿詩的演唱會好似冇乜更新過blog , 係因為我想加一些功能係過 blog到 , 然後才繼續寫 , 所以就變咗冇乜點更新過 , 好 .... 功能未得但都照寫 .

crazy love mui music

梅. 憶錄 (三)

唔知大家細個時有冇試過0係啲士多玩過抽獎遊戲呢? 記得小學返學之前通常會走去學校附近間小士多用幾蚊零用錢抽獎, 點解會玩抽獎? 因為啲獎品係阿梅嘅襟章, 相片等等.

0個陣自己都幾瘋狂㗎, 為咗抽到阿梅嘅嘢, 不惜用盡一星期嘅零用錢, 連小食都冇得食都要抽到為止. 直到今日就只留番阿梅嘅襟章, (都怪自己粗心, 啲襟章有啲殘舊), 其他嘅已經唔知去咗邊啦.

不過依家拎返出哩睇都會有會心微笑, 始終呢啲都係我一啲童年開心嘅回憶.

大迷上

13-10-09

珍惜聚會時 09

今年我選擇咗去睇何韻詩演唱會而冇出席珍惜再會時09呢個聚會, 但好出奇地原來我係用咗另一種形式出席. 原來當晚聚會台上嘅 Banner 係影住阿梅其中一年嘅歌迷聚會與一班歌迷好開心嘅相片, 而我就係其中一位在相中出現咗嘅歌迷啦, 哈哈.

好多謝一位歌迷朋友 Carol 幫我當晚買咗啲阿梅嘅紀念品, 更加多謝佢通知我 Banner 有影到我嘅事情, 而且佢又幫我影咗相留念㖭.

其實講返轉頭都要感激阿梅令我結識到呢幾位好好嘅歌迷朋友, 雖然我哋唔係成日見面, 又唔係成日有電話互通, 但往往一有關阿梅任何消息, 大家都會好自然咁互相通知對方. 衷心希望我可以同呢幾位好朋友可以友誼永固, 同佢哋相識係阿梅比我嘅緣份, 我絕對唔會辜負阿梅比我呢份禮物嘅.

另外當日頭條日報有歌迷們刊登咗一版祝賀阿梅生日快樂嘅廣告, 大清早有位(親密愛人)打電話講比我聽呢一件事, 但我走過兩個地鐵站都冇, 本來就好失望嘅, 但呢位(親密愛人)竟然幫我搵到一份, 仲要係直版冇摺痕㖭, 我真係衷心咁多謝佢, 希望佢真係睇到同感受到啦.

大迷上

13-10-09

珍惜聚會時 09

十月十日開心大發現

十月十日呢個大日子, 我同細迷選擇咗去睇何詩詩演唱會慶祝梅梅生日. 問心講我其實唔係好識欣賞何詩詩嘅歌 (所指係新歌, 佢嘅舊歌都好好聽), 但對於佢唱歌嘅進步真係值得鼓掌 :) , 不過舞蹈就仍有待改進. 本來今次慶幸詩詩終於冇咁多阿梅嘅影子, 但如細迷所講, 竟然發現佢有時似謝安琪, 有時似王菲, 有時又似陳慧琳㖭....好希望下一次再見詩詩在台上可以完完全全係有佢自己嘅個人風格,比我一個完整何韻詩的感覺.

之於當晚詩詩同草蜢合唱多首梅梅嘅快歌, 唔知點解總係投入唔到. 回想返之前 Sammi 唱女人心嘅現場演出, 我一聽就受到感動, 但今次就真係冇乜 feeling, 真係有少少失望.

但不得一讚嘅係當晚嘅現場氣氛就真係好到不得了, 我身邊附近嘅人不停咁跟住唱, 不停咁揮旗仔, 用旗仔咁玩人浪, 眼見一片紅海, 好壯觀. 諗返如果前以前睇阿梅嘅演唱會唔係因為怕羞可以放膽咁玩就好啦,真係有啲後悔㖭.

聽詩詩講當晚係用作錄影嘅, 如當日錯過咗嘅朋友們, 大可以從溫一吓, 希望唔好刪咗向阿梅致敬0個部份啦.

百變何韻詩

十月十日去咗睇HOCC演唱會 , 她已一身火紅色Man爆戰衣唱 "光榮之家" , 整個演唱會換咗五 六套歌衫 , 每轉一次歌衫佢連個樣都有變化 , 大部份時間變咗 "謝安琪" , 之後有轉咗 "容祖兒" , 大迷佢仲睇到似 "王菲"添 ..... 真勵害 , 去最 encore位 , 就同草蜢唱梅姐快歌 . HOCC身穿紫色闊身長褲加兩大舊泡泡衫帶頂黑色帽 , 佢上台時真係有 D似 madonna , 咗睇真 D 好似好似 "陳慧琳"呀 !!

總括整個演唱會都好好睇好好氣氛 , 一個好有心思的演唱會 .
細迷

梅 . 憶錄 (二)

為咗寫呢個回憶錄, 不斷搵返好多小時候儲儲埋埋有關阿梅嘅嘢. 今次承接梅 . 憶錄 (一), 繼續講吓我的剪貼簿故事.

見到呢0度有多本以往用咗好多心機及時間去完成嘅剪貼簿, 記得當時成日比爸媽鬧唔讀書, 成日掛住剪明星相, 就係因為咁攪到當時我同父母親嘅關係都幾差㗎, 不過就絕對冇影響到我繼續剪貼.

其實當時年紀都細, 所以都冇太多零用錢去買各本雜誌, 咁點解又可以搵到咁多相哩貼呢? 答案就係各位朋友, 街坊. 因為只要認識我嘅人都必會知道我好喜歡阿梅, 所以好多時朋友們都會自動地見到有有關阿嘅相片, 文章都會剪低比我. 另外仲有就係細個0個陣會去街邊剪頭髮, 0個0度會有各種唔同嘅雜誌, 一見到有阿梅個樣就會靜靜撕落哩據為己有,哈哈.

直到現在 呢個習慣依然冇改變,唯一有變嘅係冇咁多時間去貼啦, 只係繼續咁剪, 不經不覺已經儲咗都幾多剪好咗嘅報導, 希望自己要的起心肝去整理好佢, 如果做好後我一定會0係呢個 blog 0度公開比大家睇嘅.

I'm So Happy Tonight (Happy Birthday)

Happy Birthday To My dearest Mui Mui

今晚好特別, 十月十日零晨, 唔係因為雙十節, 而係呢位0係我心中永遠都咁愛佢嘅梅艷芳生日大日子. 今晚十一點半開始就在家中不斷大聲播放她的歌, 電視就不停播住她的MTV, 攪到我成晚心情十分高漲, 幾驚比隔離屋話我擾人清夢呀, 呵呵.

09年對我哩講都有好多個第一次, 09 生日好朋友小迷實現咗我一個多年夢想開咗呢個 Blog, 09 又係我0地第一次用自己創造出來嘅平台去同阿梅賀生日, 真係好似發緊埸夢咁, 心情既興奮又開心.

我好相信阿梅已經去到了一 個安靜又冇煩惱嘅極樂世界生活, 祝她永遠快樂.

接近零晨兩點, 心情依然高漲, 一啲疲倦都冇, 家中仍然充滿住阿梅嘅歌聲, 相信我今晚都幾難瞓到, 一於唱同聽成晚啦.

Wonderful tonight

我知道這個blog好難search到 , 暫時冇乜人會睇到 , 不過唔緊要 , 最緊要係堅持 , 有緣的終會睇到這個blog , 希望明年這個時候這個blog會係熱熱鬧鬧 !!

今年就我同大迷在這裡同妳說聲 : 生日快樂 happy birthday (^_^)v

細迷

1994年梅艷芳醉朦朧生日會

1994年梅艷芳醉朦朧生日會 日期 : 十月九日 地點 港麗酒店 時間 : 五時三十分左右

九四年醉矇矓生日會係我第一次參加梅姐生日會聚會 , 亦都係我第一次加入歌迷會 , 更加係我第一次非常近距離睇到梅姐 , 個心緊係卜卜勁跳啦 !!!　 ヽ(^。^)ノ

咪正式開始前就係出面有個自助茶點食到禁上下就入去排排坐等我哋偶像啦　(*^。^*) 我係自己一個人參加仲以為會將我編D角落頭位 ('_') 點不佑原來係第二排中間位添 (^。^)　你話係咪仲緊張呀 !! 好啦 ! 終於等到梅姐出現 , 記者的閃光燈 , 我哋歌迷歡呼聲簡直變咗係紅館一樣 , 雖然從大門口到舞台仔係好近 , 但因記者歌迷一擁已上 , 令到梅姐幾經艱難才可去到舞台仔 , 上到台上就同我哋講 , 等記者影完相就會正式開始 , 當記者離開後 , 我哋喺聚會就嚟啦 (^^♪　生日會當然係許願切蛋糕 , 唱生日歌 , 之後呢 .... 唸吓先 ........(-_-;) 係啦 ! 梅姐請了兩位嘉賓 , 第一個係當年新秀冠軍海俊傑另一位係梁漢文輪流唱歌 , 之後梅姐就真係同我哋玩吓遊戲 (睇相自己估吓) 之後仲有抽獎&輪流上台送生日禮物給梅姐 . 攪完一輪後 , 就有我哋最關心梅姐之後動向所以有十條問題可發問 (當然唔記得問過咩問題啦 !!) 問完問題後梅姐就唱了幾首歌比我哋聽聽 (^^♪

生日會亦都差不多完結啦 !! (^_^)v

細迷

愛 . 美麗 Beautiful Beings

今日去咗圖書館 , 無意中係 "增添新書"一欄見到這本書 , 因為個封面好靚好吸引 , 拿起一揭.....嘩嘩嘩.......有梅姐呀 !!! 原來這本書係教大家化妝的書 , 作者係星級化妝師 Gary Chung , 因為都有同梅姐合作過 , 所以書中亦有提及 , 有興趣學化妝不妨買0黎睇睇 , 亦可到圖書館借閱 !!

細迷

梅.憶錄 (一)

記得喜歡阿梅應該係小學時期已經開始咗, 還記得當時一路睇住電視新秀歌唱大賽, 已經同家姐講我好鍾意呢位姐姐, 由其係佢件金色戰衣,真係一見難忘. 一聽佢攞第一時, 自己都情不自禁大叫咗出哩.0個日之後, 我就不停地叫家姐買有佢相嘅電視書, 雜誌比我, 由0個時起我就養成一種剪貼有關阿梅報導嘅習慣.

相片中嘅就係我第一本阿梅剪貼簿, 哈哈依家睇番都覺得幾攪笑, 剪功都幾差. 記得0個時一有時間就搵啲電視書有冇阿梅嘅相, 一有發現就好開心咁揮刀一剪, 儲儲埋埋一小袋就用校簿貼起佢, 有時仲會0係相片側邊加啲句子㖭.

但因功課日漸增多, 所以貼到中學時期就只剪冇時間貼囉, 不過剪低嘅圖片報導都留到依家, 可能要到退休先有時間再剪貼囉.

大迷上

07-10-09

怱怱

今日同大迷和佢另一個朋友去咗沙田睇肥姐個展覽 , 展品同資料都好豐富 . 入到裡面好似去咗當年梅姐既十周年展覽一樣 , 有登台衫 , 獎牌 , 劇照 , 相片等等 . 之後就去咗大迷屋企到 , 雖然怱怱去咗大半個鐘 , 大迷拿了一些梅姐當年雜誌俾我睇 , 我哋hihi哈哈就過咗大半個鐘 (^o^)／

細迷

生日快上

不經覺不有到十月份 , 這個月份裡真係好多節日同慶典 , 十.一國慶 , 中秋節 , 重陽節 . 當然仲有十月十日這個日子啦 !! 係中秋節裡想送一首歌給妳 "月亮代表我的心" ....... 生日快上 (^o^)／

細迷上

梅 , 好朋友 .

睇到報導有關梅姐好朋友羅君左因糖尿病影響要切除右小腿,希望好似報導所講"勇抗頑疾 樂觀面對".

陳百強入行30年展覽

今日去咗睇一班歌迷為陳百強入行30年而自發性做嘅一個展覽活動, 裹面有他各種不同類型嘅物品, 如一堆黑膠唱片, 一啲歌迷嘅剪報, 演唱會門票, 雜誌特刊, CD, 盒帶, 等等. 比較特別嘅有一些Danny 的獎牌, 登台服裝, 出世紙, 鞋襪, 等等. 仲有場內不斷播放緊Danny 一啲以前有份上電視嘅節目, 相信全部係歌迷自己錄低嘅, 都十分珍貴㗎.
唔知係咪緣份關係, 我一踏入該會場向右手邊一望有一塊好大嘅掛板, 上面印有多張Danny嘅細相片,但我一眼就睇到其中有張有阿梅0係度, 哈哈就好似執到寶咁. 跟住一路行見到售賣紀念品以及場刊嘅攤位, 嗶! 一揭開又見到張阿梅嘅相, 再揭又見到, 跟住就攞錢買咗本啦.
最後再同場內一位工作人員傾計, 得知歌迷們與Danny 的爸爸媽媽關係是十分好嘅, 只要歌迷們一開口話攪展覽, Danny媽媽就義不容辭咁借出多樣私人物件, 聽後我心裹有些唔開心.... 點解? 相信一些愛梅嘅歌迷應該明白.
其實相信各位梅迷心裹都好想幫阿梅攪個類似嘅展覽, 但有幾大機會成功? 相信大家心中有數, 不過我心裹都會一直希望同相信終於有呢一日嘅.

(不過之前阿梅0係尖沙咀攪嘅展覽亦超成功)

大迷上

百變梅艷芳再展光華演唱會87-88

百變梅艷芳再展光華演唱會的 LD 版比 CD 版係多咗幾首歌 , 包括有 "緋聞中的女人" "放鬆" 同"珍惜再會時" . 同時係 youtube到也有人將這個演唱會的其他歌曲片段 , 但音質當然沒有 CD 好啦 !! 如果唔介意音質這個問題可以把已上歌曲重新編排 & 轉成 MP3 , 將變成一個比較完整的演唱會 .

當中係 youtube 到找到的歌更加係我愛不釋手 "痴痴愛一次" "暫停厭倦" "魅力在天橋"等等 !!

mp3

現在的電腦真的很方便,自己動手都可以把一些珍貴歌曲轉成mp3.
只要花一點時間,其實仲有好多好歌聽,例如 mui music show
當年有電台把整個音樂會重播,之後有有心人再把音樂會轉成mp3,
等大家可以回味再回味!!

錄影帶 LD碟 vcd & DVD碟都可以找到一些梅姐唱 live而沒有出
過cd歌曲,當中仲有可能會"走溜眼".

我就不會把已轉好的mp3放上個blog到,而係希望你們知道後自己
轉成mp3,這樣才會更加珍惜每一首歌曲!!

愛君如夢 日文予告篇

愛到發燒

今年六月到 , 阿Lam 林子祥開咗一次個唱 , 係開場前播了 [愛到發燒 ] 這個 MTV , 真係一個

驚喜 , 群星拱照林子祥呀 !! 哥哥張國榮 / 徐小鳯 / 關正傑 / 張曼玉 / 呂方仲有好多藝員 ,

呀 ....... 唔知有冇梅姐呢 ? 大家落足眼力啦 !!

建 blog 目的

點解會建立網誌 ?

事緣同大迷傾開一些梅姐東西 , 原來有些事情係 , 我知佢未必知 , 佢知

我有未必知 , 所以大家都覺得都可以建立一個 blog 去講一些很細微東西

同大家分享吓 . 如果大家早已知的事情就當係 [ 溫故知新 ] 未知就大家開心吓 !!

大迷 細迷

之前都講過話會同另一歌迷一齊寫blog , 同佢都傾過點樣分我寫定係佢寫呢 ?
台灣有 [大S同小S] , 敢.... 我哋就叫 [大迷同細迷 ] 嗱!!
[大迷] 就係另一個歌迷 , 之所以叫佢 [大迷 ] 係因為佢 [ 年紀 ....... ] 哈 !!其實係因
為佢 [含梅量 ] 非常豐富 , 所以佢當之無愧 !!

大迷會用白色字體 , 細迷會用橙色字體等你哋容易分 !!

準備.....

工程在進行中 ......