心債黑膠唱片

本來呢幾日冇乜心情因為身體有些唔舒服,但今日放假諗住相約埋細迷一齊去睇吓有關哥哥喺荃灣嘅展覽會,但因早到就在深水埗行一轉.經開一間買二手黑膠碟嘅街邊檔,搵吓搵吓比我搵到張阿梅心債黑膠碟,打開發現碟玉好新淨,同埋封套開口位置同家中嘅有所不同.記得以前有位黑膠發燒友講過話呢張心債大碟有分首版同再版兩款,首版開口位係在上面,音色會好聲啲,再版開口位就會喺右邊,所以我就立即買下.
大家不妨檢查吓你哋嘅珍藏是否首版啦.

大迷上
29-03-2010

張國榮 I am what I am

今個星期環球唱片推出一張哥哥張國榮精選碟2cd+dvd [I am what I am ],今次賣點係:期待16載 電影金枝玉葉主題曲及插曲 追/ 今生今世 [電影原版] 終於收錄.
如果呢兩首都有完整版(電影原版),應該"金枝玉葉2"的主題曲"有心人"梅姐主唱也應該有啦!!希望唱片公司或者係電影公司遲d都會出翻"有心人"(電影原版)就好啦.

格式工廠

想介紹一個程式給大家,不論是任何影片、音樂、圖片檔案都可以輕鬆轉成你要的格式.

影片有AVI、WMV、3GP、MP4…
音樂有WMA、MP3、WAV…
圖片有JPG、BMP、GIF……各種格式

首先，下載　格式工廠繁體中文版
http://www.brothersoft.com/formatfactory-download-98431.html

選擇 Server 1 Brothersoft(US mirror) Click to Download

大家都試試 , ok的話就可以將dvd裡頭梅姐的歌轉成mp3
例如 : 電影"畫中仙"的主題曲 "像夢如幻"

細迷

我未失方向

係二月同三月期間情緒同心情都不是大好,有好多問題都想唔清楚簡直跌入谷底,樣樣事情都不是太順利,自己又
諗多咗啦仲病咗一大輪,明知越諗越衰但又係要諗吓,人快要顛.連整這個blog都唔想整,我知道今年條路會好難行,雖然前面障礙從從,但都會面對希望可以係谷底裡爬翻上嚟,方向我係有的,梅姐講過:只要有信心冇難事!希望我都可以啦!!!

我已經哭夠了 , 不需再恐慌 ,
每份期望也必需灌溉淚和汘 .
那處會不需奮鬥 , 歡笑自帶淚嚐 !
枯乾眼睛 , 又透滿熱力閃滿光 !

我要星光再照 , 青天似光 ,
揭下長夜 , 要漆黑再次被燃亮 .
看慣了得失進退 , 所欠自會奉償 !
一分進取 , 定要記錄下每一創傷 !

崎嶇中跌下再起 , 似晚間退下潮浪
明晨狂潮萬倍的湧上 .
不須要領域土壤 , 軟弱是自圍路障
前途茫茫 , 但我未失方向 !

身軀給歲月割傷 , 我信心更明亮
更有勇氣飛跨上

細迷

精選唱片

音樂會展2010

今日去咗音樂會展2010,會場內只有不多過10間嘅counter,真係有啲感慨,香港樂壇係咪真係委縮到現在呢個情況?回想早幾年去同一個展覽,熱鬧情況真係差天共地.不過好開心0係會場內都可以搵到梅姐同哥哥嘅蹤跡,這足以証明佢兩位絕對同時代共同進退,大家絕冇忘記,他們仍有價值.

大迷上
20Mar.2010

恭喜恭喜,生意興隆

恭喜細迷喺中環半山地段一間(近SOHO區)的格仔店舖開咗一個格仔箱賣啲潮人舊嘢,希望細迷生意興隆,搵到手軟.

胭脂扣 之 雨前龍井

胭脂扣 之 電車上

胭脂扣 之 電車上

胭脂扣 之 對聯

胭脂扣 之 乾煎石班

胭脂扣 之 你睇斜陽...

胭脂扣 之 倚紅樓初遇

胭脂扣 之 登報 三

胭脂扣 之 登報 二

胭脂扣 之 登報 一

胭脂扣 之 尋人

妖 ...... 女

恭喜發財

新 年 快 樂

謹賀新年

張國榮 梅艷芳 歡樂年年

好快好快就到新年,係呢到暫時找到一首梅姐同哥哥張國榮合唱的賀年歌,等大家感染下新年氣氛(係香港而家都冇乜新年氣氛),唔緊要出面沒有係這個blog點都會有少少新年氣氛,暫時睇住個mv先"歡樂年年"

細迷

原汁原味 " 夕陽之歌 " live

"夏日耀光華" live CD版收錄的"夕陽之歌"係最接近原压唱片版的版本,但係都唔夠原汁原味,因為"夏日live cd版"梅姐中段冇咗"HA"個一聲,總係覺得久缺一些東西.(不是梅姐偷懶,而係同歌迷握手啫).
好彩係"夏日live LD版" (即鐳射影碟)所收錄的係另一場,所以係LD裡頭就收錄咗我應為最原汁原味的"夕陽之歌"啦!!除咗最接近原压版本外,另一個原因係用鐳射數碼錄制,LD仲要係made in japen添!!所以係最好聲,要轉就係我首選.第二選我會選"八九年勁歌總選"vcd,裡頭同樣都有"HA"過一下,但係"勁歌版"節奏好似慢一D.
你哋聽聽由LD轉出來的"夕陽之歌"係咪最原汁原味仲有留意"HA"過下!!


細迷

立春

立春啦!! 即係話新一年開始啦!! 係到同大家拜過年先!祝大家身體健康,財源廣進.!! 立咗春即係春天啦!! 想起有首歌係同倫永亮合唱的 , 等大家都感受吓春天來臨先 !!
原野春夢

細迷

清純,可愛嘅阿梅

再多三張可愛嘅阿梅相片, 相中梅姐流露住天真嘅笑容, 就好似鄰家小女孩咁.

大迷

31-01-2010

慾望野獸街

好開心今晚同細迷首次去到灣仔華星茶餐廳, 雖然店舖內只有一張阿梅嘅'烈焰紅唇'黑膠碟掛在牆上, 但其店內裝修都幾懷舊同舒適, 但店內食物嘅選擇就較少, 就好似佐敦澳洲牛奶公司賣嘅款式差不多, 價錢亦算便宜合理, 大家不妨一試.

另外今晚同細迷傾開計佢話覺得相中封面嘅阿梅好型好靚, 佢又好想知道該期報導內仲有冇其他靚相, 好啦見係你問一返屋企就立即搵比你睇吓啦, 希望滿足到你啦.

大迷

31-01-2010