10月9日一個好開心嘅晚上

一個令我好感動嘅演唱會, 冇太多舞台上嘅花巧, 冇太多大堆頭舞蹈員嘅歌舞....就單憑一個歌者用心演繹, 從心出發嘅表演, 就好容易咁打動到我.

演唱一開始, 一個金色頭髮嘅做型, 好容易令我聯想到阿梅...., 呢刻舞台上嘅 Shirley 真係有幾分梅姐嘅影子....., 到一響起 '夢伴' 嘅前奏, 我就好自然完全投入咗落去同歌者一齊向原唱者致敬.

最後好多謝細迷陪我一齊渡過呢個晚上, 希望佢都會有我相同感覺啦.

大迷上

10-10-2010

一同說聲 : happpy birthday

今晚應該先放這段片先 , 等大家一齊同我們的梅艷芳說聲 : 生日快樂 happy birthday

98 生日會 ---- 慾望野獸街

今次生日會 梅姐 就咗佢家姐梅愛芳做嘉賓 , 但實情係做表演做阿四 (哈哈 ) , 令到佢家姐哭笑不得 , 時不時 anita 就會 call 阿 ann上台玩吓唱吓歌 , 開頭時 ann 就唱咗幾首 anita , "胭脂扣 ""慾望野獸街" " stand by me " 等 . 當然ann點會得佢唱...同時大家都聽 anita唱歌啦 !! 可能 anita 唔想搶 ann風頭所以就話佢唱歌自己就跳舞 .

今次呢段影片原本阿 ann係想唱 "再共舞" , 但唔佑點解出咗首 " 慾望野獸街 " .

anita happy birthday

梅姐 梅姐 呢邊呀 唔該

1998 Anita Mui Birthday Party

這天 anita 的狀態很好 , 皮膚/身型/眼神都找不到絲毫疲憊 , 髮型/化妝/衣著都配合得好好/好簡單/好親切 . anita 未到酒店時 , 係我哋 fans 自助晚餐 , 大約八時半梅姐就現身 , anita一出當然記者歌迷一擁以上 , 其實呢個時段係俾記者影相 , 亦因為太多歌迷 , 梅姐唯有開咪叫歌迷先退回自己坐位等記者朋友影完相後聚會才正式開始 , 大多數 FANS 係好聽 anita 說話乖乖返回坐位 . 而我當然唔係乖嗰批啦 , 繼續企係到扮記者 , 這時記者們紛紛叫 " 梅姐 梅姐 呢邊呀望一望鏡頭 " 這邊又叫那邊又叫 , anita 個頭由左到右又由右到左 , 係記者角度當然希望梅姐個頭正正對住佢哋嗰鏡頭啦 !! 忽然唔知係邊一面有記者叫道 " 梅姐 生日快樂 呢邊 " . 梅姐聽到跟住聲音方向望 , 呢個記者成功咗 , 之後 .....其他記者有樣學" anita 心想成事 " " anita 青春常駐 " " anita 乜乜 " " anita 又乜乜 " 場面都幾搞笑 , 自己都有諗過叫 , 不過諗諗吓叫咗俾記者/梅姐發現我唔係記者咪"瘀爆"

つづく

年份 : 1998 . 10 .9 時門 : 7:30PM - 12:00AM

地點 : 尖沙咀 新世界萬麗酒店 ( 此酒店已拆卸 )

十月八日 搶頭看

十月搶頭看將於八號發放 , 朋友們睇完篇文章後係 "意見" 留下你感想同電郵 , 就有機會得到神秘奬品 .
希望你係第一個搶頭看的人 !! 明天見 !!

甜到漏

甜甜蜜蜜

今年十月十日係好多人覺得好有意思的日子 , 因為今年係2010年10月10日即係"十全十美"既意思 , 當日應該會係好多一對對新人結婚好日子 , 我都想食住呢個美好日子 , 將呢個blog變得甜甜蜜蜜 .

再一次請大家食糖

好快好快就到十號啦 !!! 再次請大家食吓糖 !!!!

kool kool kool

同班梅迷慶祝 , 最KOOL最FUN最滿足 !!! 梅姐話係 , 你哋話係唔係呀!!

十月是個開心的日子

好快好快就到梅姐生日,希望到十月九日令大家有個驚喜.......好唔好呀!!!!!!!!!

心債 (初版 MV)

今日係youtube睇到有心債初版mv,真係超經典,好七十年代感覺,大家除咗要睇呢個MV外,還要留意anita係呢隻mv唱法同收錄唱片既心債好似有些分別連音樂都有少許唔同,大家留意吓睇吓係唔係.

中秋節快樂

祝大家中秋節快樂,剛剛在屋企樓下同屋企人玩完燈籠!

中秋節快樂

各位梅迷,在此先預祝大家中秋節快樂,人月倆團圓 (以上呢句特別送比細迷),喺喥我0地一齊同梅姐一路食月餅一路玩燈籠啦.

大迷上
21-09-2010

Personalized Glitter Graphics

1996年 許志安首個個人紅館演唱會 ( 二 )

真係唔好意思 , 批相影得唔靚 , 怪就怪我影得屎啦 , 希望大家多多包涵

1996年 許志安首個個人紅館演唱會

一連三場許志安演唱會係三月尾舉行 , 可能係梅姐徒弟仔關係 , 點都有少許情意結係到 , 都會買佢cd , 當年許志安情歌又真係好好聽 , 當知到佢會開演唱會自己都開心 , 又有梅姐徒弟開演唱會 ( 之前草蜢係九五年開 ) , anita 就係尾場才做許志安特別嘉賓 , 當anita出場時就唱咗"夢伴" , 之後係台上同許志安說說笑笑 , 之後草蜢亦都上台一齊大談當年一起同anita走阜日子之後就唱 "將冰山劈開 " .

第一次睇 anita 演唱會

第一次睇梅姐演唱會係九零年夏日耀光華 , 亦都係第一次入紅館 , 所以心情特別緊張同興奮 , 為咗睇梅姐演唱會都要儲吓錢才買到山頂票 , 果個年代一有演唱會 , 紅磡果帶一定大塞車 , 交通又無而家方便 , 所以都要早少少出發 , 係啦 !係啦 ! 係啦 ! 我係睇完"閃電傳真機"果套 " 乜乜英雄傳 "卡通片坐巴士去啦 !! 早出發自然早到啦 !! 七點幾就入得去 , 早入場都唔覺悶 , 因為第一次入紅館入到去真係好大可能仲係小朋友關係睇乜鬼都覺得大D 靚D 天真D 啦 !!

未開 show 前睇到 D咩呢 , 咪睇到果舞台囉 !! 哈哈 ... 舞台真係好大, 相比而家係大好多 , 而 "夏日" 舞台相比之前就簡單 D 無乜機關 , 但現場睇你會覺得好華麗 , 因為舞台地面有一些大型花紋同燈色做配襯 , 望落去唔覺得太單調 .

好啦 !! 大家睇吓個鐘先 , 八時十五分全場燈關起 ,四方八面掌聲尖叫聲比起始落 , 音樂响起 , 一分三十三秒前段澎湃音樂 ANITA 從舞台中間升起唱0既第一首歌係 " 愛我便說我愛吧 " 從紅館燈關一刻 , 個心 卜卜卜卜 跳得特別厲害 , 因為終於親眼睇到 ANITA 唱歌跳舞 !!

整果演唱會流程唔多講 , 因為有出影碟大家都應該睇個 , 不過有幾首歌就無收錄到 , 就講吓係咩歌啦 , 係第二 part 唱完 " 一舞傾情 "後 梅姐唱咗一首人哋0既歌 , 關淑怡0既 "難得有情人" , 嘩 !! 超好聽 , 可能當時 anita 拍緊拖 , 唱起上來更加甜蜜 , 係粉紅燈光下更顯得 anita 柔情一面 , 係呢一part 最後部份同倫永亮合唱完 "明天你是否依然愛我"後 anita 就交個台比倫永亮唱歌 , 佢唱咗首 "你知道我在等你嗎" , "胭脂扣"都有唱不過唔係好記得係邊一 part , 好似唱完 "焚心以火"之後 , 但又好似係著褀袍到唱喎 !! "曼珠沙華" 就係著粉紅色大傘裙時第一首唱0既歌 . 整個演唱會選唱別仌的歌都幾多吓 , 我哋數一數有 "難得有情人" "明天你是否依然愛我" "dancing boy" '最愛是誰" "倦 " " 焚心以火 " " 血染的風釆 " 一共七首 , 都算幾多吓 !!

當時我同我家姐都好希望梅姐唱 "無人願愛我" 同 " 愛你想你 " , 好可惜冇選唱這兩首歌 , 而安歌時候 , 就真係俾你點你想聽0既, 每一面一首歌 , 我睇果場就唱 "赤的疑惑" "IQ博士" "傷心教堂" "冰山大火" 最後就唱 "珍惜再會時" , 整個演唱會就完啦 !!

本來呢篇文章只係想寫梅姐唱 "難得有情人" 寫吓寫吓唔知點解諗起果日情影喎 , 由出發到整個演唱會 , 真係好似昨天發生0既事情 !!!

十月搶頭看

下個月十號就係梅姐生日日子,唔知大家會唔會去歌迷會聚會,我同大迷去的機會不大啦! 不過我哋都會係呢到做生日function , 而家製作中 , 希望到時比到驚喜大家 !!
到時十月十號會有第二次搶頭看活動 , 第一個回覆會有我哋送出奬品 , 奬品暫時未諗到係乜 , 同樣微博個邊都會有搶頭看玩意 , 等大家忙吓走來走去開開心心.......

記住啦 !!!! 十月十號搶頭看 !

一個關於 ReMix歌 blog

係另一個blog到發現到一個關於RxMix歌blog,實在太精彩所以同大家推薦一下,呢個blog名稱係:207890ReMix台,收集中英文ReMix歌仲可以收聽歌曲,暫時找到梅艷芳一首ReMix:We'll Be Together, 梅艷芳
其實梅艷芳仲有幾首ReMix,遲吓叫大迷找佢比較容易找到呢d資料,大家有興趣入去睇睇.

207890ReMix台
http://kennylai2001.mysinablog.com/index.php

煙 雨 淒 迷

噚日係Danny Chan 陳百強冥壽,商台余而發0既節目"一切從音樂開始"就三小時播著danny仔歌,聽到有一首"煙雨淒迷"時,突然諗起之前另一個節目"有誰共鳴"黎小田做嘉賓主持,佢講起有一段時間同danny仔係樓上樓下,有一次danny撞到佢,danny話"你成日都作歌俾梅艷芳,歌衫淚影/似火探戈/....鬼死禁好聽,問佢幾時可以作首歌俾佢,當然黎小田答應寫首歌俾danny chan啦,其實當時黎係同華星簽咗做唱片監製,所以佢作到既歌多數先比華星既歌手.....講到呢到大家都估到黎作咗咩歌俾陳百強啦!

懷舊演唱會錄影帶

想當年DVD未咁流行,又冇錢買LD,大多數都係買錄影帶,其中87-88 嘅演唱會仲有兩個封面可供選擇㖭.另外'The Legand Of Pop Queen Part III'記得當時都比較罕有,好似唔係0係香港買嘅.

大迷上
7-9-2010

今期 Monday 周刊又見阿梅

今期 'Monday' 內有版講80年代嘅專題,當中一定唔少得梅姐啦, 其他還有哥哥,Danny仔,阿Lam 等等....

大迷上
7-9-2010

回應細迷文章

呢張就係細迷之前提及過'東'周刊嗰張文章啦.

大迷上
7-9-2010

有誰共鳴

今日商業電台"有誰共鳴"節目嘉賓主持係江欣燕,佢係節目講返當年參加"新秀"係因為同朋友仔一齊報名同時可以睇到佢0既偶像"梅艷芳",就係這樣又比佢入選到,當初佢的參賽歌曲其實係唱"似水流年",但當年黎小田同佢講你太細過如果著起長衫唔好睇,叫佢係歌普找個另一首歌嚟唱,但係其他歌曲又唔係好懂,只係記得吓"再見puppy love"副歌部份,就係這樣唱咗"再見puppy love",真係唔講唔知原先所唱的歌曲係"似水流年"

今期366 東週刊

今期東週刊有一篇由資深娛樂記者所寫0既專欄,講返當年為anita相約珠寶姐往事,有興趣買返本黎睇睇!!

心經

心經

觀自在菩薩
行深般若波羅蜜多時
照見五蘊皆空 渡一切苦厄
舍利子 色不異空 空不異色
色即是空 空即是色
受想行識 亦復如是
舍利子 是諸法空相
不生不滅 不垢不淨
不增不減 是故空中無色
無受想行識 無眼耳鼻舌身意
無色聲香味觸法
無眼界 乃至無意識界
無無明 亦無無明盡
乃至無老死 亦無老死盡
無苦集滅道 無智亦無得
以無所得故

菩提薩埵 依般若波羅蜜多故
心無罣礙 無罣礙故 無有恐怖
遠離顛倒夢想 究竟涅槃
三世諸佛 依般若波羅蜜多故
得阿耨多羅三藐三菩提
故知般若波羅蜜多
是大神咒 是大明咒
是無上咒 是無等等咒
能除一切苦 真實不虛
故說般若波羅蜜多咒 即說咒曰
揭諦揭諦 波羅揭諦
波羅僧揭諦 菩提薩婆訶

痛

灰色的天,灰色的雨,我諗係大部份香港人的心情,既悲且憤,心痛...心痛很痛.今次事件看得到一個國家的反應遲緩,警方沒有部署下救人質,低估槍手威力,沒有以人質的安全為大前提下,錯失救人機會.事發一刻雖然我冇係電視機前看到,只係從大迷口中講述,當時一刻真的真的心如刀割,心痛係....係因為佢哋都係住在同一天空下的香港人,但願所有傷者都可以早日康復早日回港!!

梅艷芳 anita mui 月光 live

剛剛係網到找到一條片,是梅姐現場唱"月光",這首歌自己好少拿來聽,所以冇想到有現場版本,因為少聽而家睇住現場演繹片段又覺得幾好聽,唔知到大家喜唔喜歡這首歌呢?
月光
月色如水 夜色孤獨 回首來時路已模糊
記憶的路 眼淚的温度 媽媽的苦 我都清楚
許多夜 我爬上屋頂 月世界 燈火一盞一盞像在風裏哭
剩下一個我 裏著妳給的衣服
找一個萬夢 走一條路
妳像月光夜夜在祈禱我幸福 照亮我踏的每一步
我不會哭 我不會輸 我在月光守護的黑夜裏
看著自己真的像妳 走妳走過的路
今夜讓我對妳說這一句 我愛妳

鐵達時廣告

遲吓我會做一篇關於鐵達時這個廣告,而家睇住少少先!!

特效相片