韓國版黑膠唱片

原來阿梅0係韓國都推出過幾張韓版黑膠碟, 其中 'The Legend Of Pop Queen I & II' 香港更從未發行過㖭. 而 ' Summer Lover ' 香港版就多好多嘢送, 如海報, 歌書等, 韓版就只得一歌詞紙. 不過值得一提嘅係打開封套內面張相就有驚喜啦, 香港版阿梅係側面影嘅, 但韓版就擰番正面對正鏡頭影喎, 當時一發現都好興奮. 到 ' 封面女郎 ' 香港版可以拉開封套變成一張全身相, 但韓版就唔可以拉開啦. 最後到 '似火探戈' 香港版有本又厚又多靚相嘅畫冊, 韓版就只得一陋歌詞白紙.
其實不論係什麼版本, 只要係有關阿梅嘅唱片對每一個梅迷都係好珍貴嘅, 你哋應唔應同呢.

大迷
30-11-09

大陸一張引進版黑膠唱片

此張係我唯一一張梅姐大陸版引進唱片,我唔知係咪翻版, 但封面形像明明係 '烈燄紅唇' 但碟內歌曲係 ' 夢裹共醉'.....

大迷

30-11-09

阿梅一個幾有趣嘅造型

搵返一張幾舊嘅剪報, 起初見到時都不禁會心笑一下, 大家又有什麼感覺呢?

大迷

30-11-09

一個造型另一個 pose

阿梅需有多個唔同嘅唱片形像以及各種造型, 但好多時報章都只會不斷刊登同一至兩張相片 (可能係唱片公司,記者們覺得影得最靚嗰張), 但有時見到其他款都另有一番感覺㗎.

大迷

30-11-09

周刊中間大頁

80 年代市面上有好多各種類型嘅 '電視書', 回想當時成日等到新一期雜誌一出就會第一時間打開中間大頁,睇吓係咪梅姐. 如一發現係阿梅做中間大海報時就會立即買下, 有時更會買下兩本, 因怕得一份會整爛. 唔知大家仲記唔記得以下呢幾張係出自邊本雜誌呢?

大迷

30 -11-09

似火探戈 cassette

大迷近期係拍賣網站bid到這盒韓國版 , 不過真係好貴呀 !!!! 好... 等我哋睇睇先 . 其實盒帶紙質粗糙 , 只係錄音帶梅姐個樣不是側面而係正面 , 歌名就翻譯韓文 , 但歌詞就無啦 !!

細迷

猜歌名

俾首歌你哋估吓 !!
已前有大眾電視/金電視/明星電視等等 , 我記得有一本裡面有一專欄叫"三大天皇" , 係俾讀者問問題的 , 然後佢哋偶像回答問題 , 呢三大天皇就係 "譚詠麟/張國榮/梅艷芳 " . 有位讀者問梅姐下一張專輯第一派台歌是快歌定慢歌呢 ? 梅姐答係首慢歌叫" 我不慣哭泣 " .
好啦 !! 入正題啦 !! 梅姐回答時專輯係製作中 , 最終第一派台歌係一首快歌 , 而這首 " 我不慣哭泣 " 在專輯中係另一個歌名 , 你哋估吓是什麼歌曲同係那一張專輯中 ?
細迷

是祥惠的 = 是這樣的

是祥惠的 = 是這樣的

是這樣的 "係梅姐回歸樂壇首張個人專輯 , 第一注打歌 " 情歸何處 "更加係唱到街知巷聞 , 各大流行榜連續兩星期NO.1 , 大碟成績達三百金之多 . 好嘢梗有人欣賞啦 .... 同年梅小惠同阮兆祥合作推出一張三吋細碟 , 梅小惠向梅姐提出想用 "是這樣的 " 封面來做他們的細碟 , 梅姐更加一口答應借出衫褲鞋襪 , 就連製作班底都差不多 , 所以出來效果達 90% 一樣 , 不過係一個攪笑版 , 最值得留意有一張相有一隻手係借蔡一智既手來拍的 ( 估佢哋唔到 哈哈哈 ) .

細迷

當年今日

又係一年一度澳門格蘭披治大賽 , 今日想起九四年梅姐係澳門開三場演唱會同時被邀請做成龍盃嘉賓 .

精彩網誌&網站

建立這個blog時 , 從電腦search到兩個有關梅姐的網誌同網站 , 而這兩個網都是由兩位海外fans所建立的 , 第一個係由日本fans所寫的網誌 , アニタ・ムイ ファンブログ 梅艷芳歌迷BLOG 這個以日文介紹anita的 , 雖然不懂得日文但都可以估到blog主每一篇內容 , 亦都時常更新網誌也有BBS討論區 (日文或英文 ) , 我都係係BBS到留言話比blog主知我都建立咗一個關於梅姐的blog , 而blog主睇過我哋網誌後 , 發現有錯誤更提供資料給我哋更正 , 在此多謝 梅艷芳歌迷BLOG"的Blog主 .
另一個網站係由韓國fans建立 , http://www.muikorea.com/ 資料非常齊全 , 版面簡潔圖片製作精美 , 網站有韓文同英文可遊覽 , 韓文版同英文版的版面有些分別 , 一定要兩面都睇睇 !!
可能大家已經知道有這兩個網 , 亦希望大家繼續努力 , 等多 D 朋友應識我們的梅艷芳 .
加油 !!

細迷

暴風雨

好多謝" 梅艷芳歌迷BLOG"的Blog主" 提供正確的資料 , 更正如下 :

之前有篇文章提及日文版的纏綿千編 " 暴風雨 " 收錄係 [飛龍猛將]中 , 其實不是這首歌 , 纏綿千編的日文版 "暴風雨 "收錄在成龍的個人專輯,叫做"Shangri-la".

眼色

擒晚睇"超級巨聲"有位從國內來香港參加比賽挑戰者唱咗一首叫"眼色" , 聽佢唱這歌時覺得很好聽 , 之前我就沒有聽過這歌的 , 當佢唱完這歌後 , 作這歌的作曲者李泉老師也是當晚的評判 , 李泉老師給了比賽者一些意見後 , 亦提及這歌原本是作給梅艷芳的 , 但可惜沒有機會啦 !! 而現在唱這首歌的歌手是林宥嘉 . 我都記得以前李泉老師也說過作了一首歌 , 但就沒有說是什麼類型歌曲 .
細迷

女人花 2

之前講過"女人花"這首歌 , 係這篇文章的意見到有位 H.Y提到台灣方面一些事情 :
[女人花在台灣也很紅！紅的程度不亞於親密愛人啊！而且至今仍常據KTV榜單中呢！至今有好多台灣女歌手翻唱過喔~這是我找到的資料:傅薇2009年「Fu-way」專輯潘越雲2008年「情歌」專輯范怡文2005專輯「記得用力愛自己」黃小琥2004年演唱會葉璦菱1999年「璦情歌」不過在怎麼聽~還是最愛ANITA的原版....]
好多謝這位fans的資料 , 係youtube 搜尋 "女人花"都會找到好多翻唱這歌的MV .
係hk除咗係梅fans都好少人知道這首歌 !!
細迷

似火探戈 之 妄想

"似火探戈" 這張唱片係我最喜歡其中之一 , 裡面有首 "百變"同 "妄想"係同曲但唔同詞 , 相信大家都知也不用我講啦 !! 當年仲用錄音帶聽呢首"忘想"時 , 這歌一開頭只聽到一步一步高跟鞋聲 , 再接著梅姐把聲好像從收音機轉出來 , 之再梅姐就享著這首歌接著唱 , 唔知道大家仲有冇印象 !! 當華星出鐳射cd時 , 這首歌就唔同咗 , 同我之前所講唔同咗 , 同其他歌冇乜分別 !! 轉轉這年間 , 有一晚同"大迷"講開想問佢借部黑膠碟機來轉成mp3 , 仲張個原因講咗比大迷知 , 但佢同我講 , 佢部ipod裡面巳經係同當年個版係一様 , 但大迷就不知道有另一個版本喎 !! 所以個晚就決定找出原因 , 因為大迷都唔記得係邊一張轉成ipod到 , 所以就張乜乜東芝版 / 頭版 / 復刻版都聽一次 , 最後個謎團終於解開 , 就係係復刻版cd到啦 !! 真係估都估唔到會係復刻版到 , 因為我巳經有cd所以沒有買呢張"復刻版" , 不過.....知道後就嗱嗱淋去買返一張啦 !! 終於可以聽聽當年個版本 , 真開心 hihi.....

細迷

更正 .... 有朋自遠方來

原來個位fans係馬來西亞嚟的 , 攪錯咗 , 唔好意思呀 !! 都係大迷講得唔清唔楚 .hihi
細迷

新增回應小欄

新增一個回應小欄 , 希望大家多多交流 , 亦都希望個blog慢慢增添其他小功能 . 例如背景音樂或音樂播放器等等 !!
細迷

有朋自遠方來

有位新加坡fans來咗香港 , 所以今日大迷陪咗這位遠道以來的fans一天 , 希望這位fans係香港可以盡情玩樂開開心心 .
細迷

纏綿千遍 日文版歌名

日文版 - 纏綿千編係收錄成龍一張電影原聲碟到 , 套電影名 "飛龍猛將" .日文版歌名係叫 : 暴風雨以下是用電腦翻譯的歌詞 , 所以要運用大家的幻想空間去消化一下啦 !!希望大家知道歌詞意思後會更加喜歡這首歌 (*^。^*) 細迷

歌名 : 暴風雨 anita唱 jacky唱 合唱

空に怪しい　黑い雲----------- 昏暗欲沉的天空
街が見る間に包まれる-------- 街道上被這漆黑包圍著
うそつきな天気予報ね---------- 撒謊的天氣預報....
気まぐれな君のようさ----------- 好像反復無常的你
早く帰ればよかったわ---------- 早點返回就行了
きっといまなら間に合うよ------- 一定要是現在趕得上喲
リムジンを何度キャンセル------- 連回程汽車也停駛
本当にくやんでるの？----------- 真的懊悔？

窓を叩く雨音---------------------- 擊打窗戶的雨聲
こぼれるため息------------------- 也在嘆息..
他には何も聞こえなくて--------- 對於其他什麼都聽不見
閉じもめられた部屋に---------- 關上曾經發生爭執的房間
閉じこめた想い------------------ 就這樣收起對你的感情...
二人のために嵐になれ----------- 我倆在暴風雨之前....

激しくなる雨音------------------- 隨著變得激烈的雨聲
あふれるいとしさ----------------- 再度想起你的可愛
強がりさえも消えてゆくの---- 但對你強烈的感覺也漸漸消失
もう帰れなくていい--------------- 已經不能返回頭
帰らなくていい----------------------- 沒法回頭
君をどこへもゆかせないよ----- 不會再讓你離開我身邊呀

閉じもめられた部屋に------------ 關上曾經發生爭執的房間
あふれるいとしさ------------------ 再度想起你的可愛
あなたの腕に抱かれなから-------被你臂彎抱著一刻開始
もう　帰れなくていい-------------- 已經 不能回頭
帰らなくていい---------------------- 沒法回頭
二人の恋も嵐になれ------------- 我倆的戀愛也像暴風雨一樣

壞女孩 cassette

以前唔夠錢買錄音帶就會問朋友仔既哥哥姐姐借來錄一盒 , 所以這盒壞女孩錄音帶原來有個紙套我都不知道 , 係上年同大迷講開係佢話比我先知道 , 佢仲送咗比我添 , 而全新個盒係好後期才買的 , 所以同之前有紙套的係唔同 , 冇咗個紙套餅錄音帶不是黑色個盒係透明等等 .

好少連錄音帶都肯花心思設計 , 多數只會係黑膠碟到花心思 , 抵這隻碟銷量有八百金啦 !! 　 (^o^)／

細迷

夢幻的擁抱 cassette

之前大迷公開佢D 錄音帶 , 其實我都會好似大迷一樣 , 會行吓二手店或者是鴨寮街會發現到一些梅姐物品 , 就好似這盒錄音帶就是係二手店買回來的 , 價錢只不過係五元到 , 睇到時都覺得有些少唔同 , 回到家對比一吓就見到真係有分別的 , 原來係馬來西亞版 , 最大分別係錄音帶貼紙係用紫色的香港版用咖啡色 , 張相比較清晰D.

唔知到黑膠唱片有冇分別.

細迷

珍惜梅姐,更要珍惜此平台

好多謝細迷嘅溫馨提示, 天氣轉涼, 大家緊記小心保重身體.

呢個平台嘅誕生喺第一篇發佈文章已說明, 但其實仲有一個主要原因係我同細迷都發現香港多個以往主要梅姐的網頁唔知乜嘢原因慢慢地冇再更新, 有些更消失咗. 是否因阿梅嘅遠去連同一切有關她嘅東西都會跟住消失?相信所有愛阿梅嘅人都唔想見到咁嘅情況發生, 所以細迷就用盡所有方法, 用咗約兩年時間就做出此 blog, 在此再衷心多謝細迷.

就算有此平台都要有各方好友去支持先算成功, 好開心喺短短約兩個月內, 有幾位香港以外嘅朋友都有在此留言, 真係好感動. 希望日後會有更多更多各地朋友會到此一遊, 大家一齊合力做好此 blog, 我同細迷亦會盡力四圍搵多啲有關阿梅嘅冷知識同一些自己嘅收藏供大家一同欣賞. (當然亦好歡迎大家如有任何收藏亦可以放上此 blog 作為大家分享)

大迷

3-11-09