記得喜歡阿梅應該係小學時期已經開始咗, 還記得當時一路睇住電視新秀歌唱大賽, 已經同家姐講我好鍾意呢位姐姐, 由其係佢件金色戰衣,真係一見難忘. 一聽佢攞第一時, 自己都情不自禁大叫咗出哩.0個日之後, 我就不停地叫家姐買有佢相嘅電視書, 雜誌比我, 由0個時起我就養成一種剪貼有關阿梅報導嘅習慣.
相片中嘅就係我第一本阿梅剪貼簿, 哈哈依家睇番都覺得幾攪笑, 剪功都幾差. 記得0個時一有時間就搵啲電視書有冇阿梅嘅相, 一有發現就好開心咁揮刀一剪, 儲儲埋埋一小袋就用校簿貼起佢, 有時仲會0係相片側邊加啲句子㖭.
但因功課日漸增多, 所以貼到中學時期就只剪冇時間貼囉, 不過剪低嘅圖片報導都留到依家, 可能要到退休先有時間再剪貼囉.
大迷上
07-10-09
沒有留言:
張貼留言